Эҳтиёжманд аҳоли хонадонларига кўмир тарқатилди
Сўнгги ойларда бутун мамлакатимиз бўйлаб ҳудудларда куз-қиш мавсумига тайёргарлик ишлари амалга оширилди. Мавсумни беталофат ўтказиш мақсадида коммунал соҳага даҳлдор хизматларнинг иш сифати ва самарадорлигини ошириш бўйича зарур чоралар кўрилди. Хусусан, аҳолини табиий газ ва электр энергияси билан узлуксиз таъминлаш мақсадида коммунал соҳа ташкилотлари ходимлари мавсум олдидан белгиланган чора-тадбирлар режасига мувофиқ қатор ишларни амалга оширдилар.
Амударё туманида ҳам 2021-2022 йилларда куз-қиш мавсумига тайёргарлик кўриш бўйича тизимли ишлар ташкил қилинди. Барча ижтимой соҳа обектлари, умумтаълим мактаблари, мактабгача таълим муассасалари, соғлиқни сақлаш соҳаси объектлари, кўп қаватли турар жой биноларидаги мавжуд камчиликлар аниқланиб, уларни ўз вақтида бартараф қилиш юзасидан қурилиш-таъмирлаш ҳамда ободонлаштириш ишлари ташкил этилди.
Куз-қиш мавсумида аҳолининг иссиқлик ва электр энергияларга бўлган талаби ва эҳтиёжи янада ортади. Мавсумга тайёргарлик борасида олиб борилган тизимли ишлар натижасида аҳолини иссиқлик энергияси ҳамда электр энергияси билан узлуксиз таъминлашда мавжуд муаммоларни бартараф қилишга ҳамда бу борада юзага келиши мумкин бўлган салбий ҳолатларнинг олдини олишга алоҳида эътибор қаратилди.
Туманда 2021-2022 йил куз-қиш мавсумига тайёргарлик кўриш мақсадида аҳолини ҳамда ижтимоий соҳа объектларини кўмир билан таъминлаш борасидаги ишлар ҳам режали тарзда амалга оширилмоқда. Хусусан, туманда аҳолига 9963 тонна кўмир етказиб бериш бўйича режа белгиланган бўлиб, жорий йилнинг 20 октябрь ҳолатига жами 6465 тонна кўмир маҳсулоти аҳоли хонадонларига тарқатилган. Айни пайтда режа асосида кўмир маҳсулотларини аҳоли хонадонларига тарқатиш ишлари давом эттирилмоқда.
Шунингдек, пандемия шароитида тумандаги кам таъминланган, эҳтиёжманд оилаларни янада қўллаб-қувватлаш ҳамда уларнинг куз-қиш мавсумини беталофат ўтказишларига амалий ёрдам бериш борасида ҳам қатор ишлар қилинмоқда. Туман ҳокимлиги ташаббуси билан тумандаги овул ва маҳаллаларда истиқомат қилувчи ижтимоий ёрдамга муҳтож, кам таъминланган, боқувчисини йўқотган, эҳтиёжманд оилалар, якка-ёлғиз кексалар, моддий кўмакка муҳтож оилалар янада қўллаб-қувватланиб, куз-қиш мавсумида иссиқлик энергияси билан боғлиқ муаммоларга дуч келишларининг олдини олиш мақсадида эҳтиёжманд оилаларга кўмир маҳсулотлари тарқатилди.
Тумандаги барча ижтимоий соҳа объектларига куз-қиш мавсуми учун кўмир етказиб бериш бўйича ҳам амалий ишлар олиб борилмоқда. Хусусан, ижтимоий соҳа объектларига жами 3088 тонна кўмир етказиб бериш режалаштирилган бўлиб, 20 октябрь ҳолатига режа 81,5 фоизга бажарилган, яъни 2516 тонна кўмир тарқатилган.
Шундан туман Халқ таълими бўлимига 1675 тонна, Тиббиёт бирлашмасига 260 тонна, Мактабгача таълим бўлимига 525 тонна, касб-ҳунар мактабларига 56 тонна, маданият объектларига 72 тонна кўмир тарқатилган.
Тумандаги аҳоли хонадонлари ҳамда ижтимоий соҳа объектларига тарқатилган кўмир жами 8981 тонна бўлиб, бу борадаги режа 68,8 фоизга бажарилган. Куз-қиш мавсумини беталофат ўтказиш борасидаги бу каби самарали ишлар давом эттирилмоқда.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
