ЁШ АВЛОД ТАРБИЯСИГА ЭЪТИБОР – КЕЛАЖАККА ПОЙДЕВОР

Муҳтарам Президентимиз ўз фаолиятининг дастлабки кунлариданоқ ёш авлодни тарбиялашнинг биринчи ва асосий бўғини бўлган Мактабгача таълим сифатига, самарадорлигига алоҳида эътибор қаратдилар. Мамлакатимизда Мактабгача таълим тизимини замон талаблари даражасига кўтариш, боғча ёшидаги болаларни тарбия масканларига тўлиқ қамраб олиш юзасидан амалий ишлар бошлаб юборилди.

Туман Мактабгача таълим бўлими томонидан ҳам бу борада манзилли ишлар амалга оширилмоқда.

Айни пайтда тумандаги мактабгача таълим ёшидаги (3-7 ёшли) болалар 16682 нафарни ташкил қилади. МТБга қарашли 117 та мактабгача таълим ташкилотларининг 51 таси давлат, 4 таси давлат-хусусий шерикчилиги асосидаги нодавлат МТТ, 62 таси оилавий мактабгача таълим ташкилотлари ҳисобланади.

Мазкур мактабгача таълим ташкилотларига 11271 нафар болалар қамраб олинган бўлиб, уларда 803 нафар педагог-ходимлар фаолият юритиб келмоқда. Шундан 349 нафари олий маълумотли, 454 нафари ўрта махсус маълумотли бўлиб, 725 нафари давлат мактабгача таълим ташкилотларида, 78 нафари нодавлат мактабгача таълим ташкилотларида фаолият юритишади.

Мактабгача таълим ташкилотларидан 100 нафар педагог-ходимлар аттестациядан муваффақиятли ўтиб, 16 нафари иккинчи малака тоифасига эга бўлишди.

МТТларнинг моддий-техник базаси ҳам мустаҳкамланмоқда. Хусусан, 51 та давлат мактабгача таълим ташкилотлари компьютер техникаси билан тўлиқ таъминланган ҳамда юқори тезликдаги интернет тармоғига уланган.

Мактабгача таълим ташкилотларида болаларга таълим-тарбия бериш жараёнида Ўзбекистон Республикаси Вазирлар Маҳкамасининг Қарорлари Ўзбекистон Республикаси Мактабгача таълим вазирлигининг буйруғи, “Илк қадам” давлат ўқув дастури ва 6 ёшдан 7 ёшгача бўлган болаларни мактаб таълимига тайёрлаш бўйича “Илм йўли” вариатив дастури асосида амалга оширилмоқда.

МТТларда таълим ва тарбиянинг самарали шакллари ҳамда усулларини ўқув-тарбия жараёнига жорий этиш мақсадида миллий маданий-тарихий қадриятларни акс эттирувчи ва болаликдан китоб ўқишга қизиқиш уйғотувчи ўқув-методик, дидактик материаллар, ривожлантирувчи ўйин ва ўйинчоқлар, бадиий адабиётлар билан таъминлаш мақсадида 42 хилдаги жами 4200 тўпламдан иборат дидактик карточкалар, 400 та тўплам, кичик, ўрта, катта ва тайёрлов гуруҳларига мўлжалланган мавзули режалаштириш иш журналлари, мактабга чиқадиган 6-7 ёшлилар учун 5900 дона иш дафтарлари, 6 номдаги 163 та рус ва ўзбек тилидаги методик ва дидактик қўлланмалар, 21 номдаги 1995 та ҳар хил плакатлар барча МТТларга етказиб берилди.

Шунингдек, соғлом турмуш тарзини кенг татбиқ этиш ва оммавий спортни янада ривожлантириш мақсадида мактабгача таълим ташкилотлари ходимлари, ҳатто  5-6 ёшли болажонлар ўртасида ҳам спортнинг шашка, стол тенниси мусобакалари ташкил этилиб, тарбияланувчиларнинг асфальтга ва қоғозга расм чизиш кўрик-танловлари ўтказилиб келинмоқда. Бундай кўрик-танловлар орқали болажонлар мустақил фикрловчи, ўз орзусини амалга оширишда интилувчан бўлиб вояга етадилар.

Саида Содиқова,

туман Мактабгача таълим бўлими мудираси.