21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 06:38
Фан ва таълим 👁 781

ЁШ ЎҚИТУВЧИНИНГ КАТТА ЮТУҚЛАРИ

ЁШ ЎҚИТУВЧИНИНГ КАТТА ЮТУҚЛАРИ

Инсон ўз ҳаёти давомида ҳамиша эзгу орзулар оғушида яшайди, ана шу орзулар манзилига етмоқ учун интилади, изланади, гоҳида машаққатлар чекади, синовларда тобланади. Ҳаёт синовлари, машаққатларини ирода кучи билан енгиб ўтиш эса ҳамманинг ҳам қўлидан келавермайди. Агар таъбир жоиз бўлса, Шерзод Аширов ёш бўлса-да, ўзини ҳаётнинг ана шундай синовларига шайлаган, меҳнат қилишдан, ўқиб-изланишдан асло чарчамайдиган, ҳатто меҳнатсиз ўтган кунини  умр ҳисобига қўшмайдиган билимдон ва маҳоратли ўқитувчилардан.

Шерзод жуда ёшлигидан, ҳали тенгқурлари кўча чангитиб, кун бўйи ўйин билан машғул бўлиб юришганида китобга, ўқишга ихлос қўйди. Ақлни чархловчи шахмат ўйинида оилада чемпион, мактабда ҳаммадан биринчи эди. Нукус давлат педагогика институти қошидаги Амударё академик лицейини аниқ фанлар йўналиши бўйича тугатган Шерзод Аширов ҳеч иккиланмай ҳужжатларини Қорақалпоқ давлат Университетининг математика факультетига топширди. Синовлардан муваффақиятли ўтиб, давлат гранти асосида ўқишга қабул қилинган Шерзоджон тўрт йил давомида мамематика фанини чуқур ўзлаштирди.

Ўқиш жараёнида ўзининг инновацион лойиҳалари, теран фикри билан устозлари эътиборини қозонди. Университет магистратурасида қолиш таклифини билдиришганида эса  устозларига ўзи туғилиб-ўсган туманда ишлаш, ёш авлод таълим-тарбияси соҳасига  муносиб ҳисса қўшиш истагини билдирди.

Университетни тугатган 2017 йилданоқ илк меҳнат фаолиятини бошлаган Шерзод Аширов ўзи меҳнат қилаётган 16-сонли ихтисослашган давлат умумтаълим мактаби педагогика жамоасининг ишончига сазовор бўлди.

Таълим соҳасидаги ижобий ўзгаришларни ўз фаолиятига татбиқ этишни режалаштирган ёш педагог 2017-2018 ўқув йилининг иккинчи ярмидан тумандаги 40-сонли умумтаълим мактабида математика  фани ўқитувчиси сифатида фаолиятини  давом эттирди. Ўтган қисқа фурсат ичида ўз шахсий фикрига, мутахассислиги бўйича юқори билим ва  малакага эга Шерзод Аширов мактабда математика фанини ўқитиш бўйича  етакчи мутахассисга айланди.

2017-2021 йиллар давомида  мактаб битирувчилари орасида аниқ фанлар бўйича  олий таълим муассасаларига ўқишга кириш кўрсаткичлари ошди. Хусусан, 2017-2018 ўқув йилида Шерзод Аширов таҳсилини олган битирувчилардан 14 нафари, 2018 йилда 27 нафари, 2019 йилда 36 нафар, 2020 йилда 48 нафар, 2021 йилда эса унинг раҳбарлигидаги вариатив синфи битирувчиларидан 58 нафари олий таълим муассасалари талабаси бўлишди.

Ўқувчилари 2017 ва 2020 йиллар оралиғида “Билимлар беллашуви” ва фанлар олимпиадасининг туман ҳамда республика босқичлари ғолиблигини қўлга киритишди. Шерзод Ашировнинг ўзи эса “Йил ўқитувчиси – 2018” кўрик-танловида туманда 1-ўрин, Қорақалпоғистон Республикаси босқичида 2-ўрин соҳиби бўлди.

2019 йилдан эса Шерзод Аширов Республика ва туман миқёсида “Халқаро баҳолаш дастурлари”ни ўргатувчи TESTOLOG ва TRENER  ўқитувчи, сифатида ҳам фаолият олиб бормоқда. шунингдек, 2020 йилда ўтказилган “Математикадан ўқитувчилар олимпиадаси”да Қорақалпоғистон Республикасида 4-ўринни эгаллаб, Республика босқичига йўлланма олди.

- Кўпчилик ота-оналар фарзандларини репетиторлик ўқув марказларига олиб боришади, - дейди Шерзод вариатив синфда дарс ўтиш услуби ҳақида сўзларкан. – Агар фарзандим яхши билим олсин, дейишса, ўқувчига вариатив ўқув йўналиши энг яхши танлов. Чунки ўқувчи вариатив синфда эркин, ўзи хоҳлаган фанини қизиқиб ўрганади ва тез ўзлаштиради. Қолаверса, ўзи таълим олаётган мактабда, қадрдон синфдошлари даврасида таълим олади, вақтдан ютқазмайди.

Янги 2021-2022 ўқув йилини кўтаринки кайфиятда бошлаган ёш ўқитувчи ўз ютуқлари ва тажрибалари билан кўпларга намуна, Ўзбекистон Республикаси Вазирлар Маҳкамаси ҳузуридаги Давлат тест Марказининг умумтаълим фанини билиш даражаси тўғрисидаги сертификатига эга Қорақалпоғистон Республикасидаги ягона математика фани ўқитувчиси. Вариатив ўқув режаси асосида дарс ўтиш бўйича 1-тоифага эга Шерзод Аширов ушбу сертификат соҳиби сифатида 2021-2022 ўқув йилидан 100 фоиз устама олиш ҳуқуқини қўлга киритди.

Эндигина 27 ёшга қадам қўйган Шерзод Аширов оилада меҳр-оқибатли фарзанд, оилапарвар умр йўлдоши, Мустафо исмли ширинтой ўғилнинг севимли дадаси. Рафиқаси Инобат Арслонова ҳам математика ва информатика фани ўқитувчиси. У ҳам 40-сонли мактабда ўқувчи-ёшларга таълим-тарбия беришдек шарафли ишда Шерзодга елкадош ва фикрдош.

Шерзод Ашировни ўз соҳасида эришаётган ҳавасга муносиб ютуқлари ҳамда 1 октябрь – Ўқитувчи ва мураббийлар куни билан чин дилдан табриклаймиз. Юксак иқтидор соҳиби бўлган бу ёш ўқитувчига ғайрат ва шижоат тилаймиз.

Робия ЙЎЛДОШЕВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026