Туманимизда мустақиллигимизнинг 30 йиллигига бағишланган маънавий-маърифий, тарғибот тадбирлари ўтказилмоқда
Жорий йилнинг 24 август куни туманимиздаги 9-сонли Болалар мусиқа ва санъат мактабида Республика Маънавият ва маърифат маркази туман бўлинмаси, Ёшлар ишлари агентлиги туман бўлими ҳамкорлигида “Мен шу азиз Ватан фарзандиман” мавзусида давра суҳбати ташкил қилинди. Тадбирда 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини ҳаётга жорий этиш асосида мамлакатимизнинг сиёсий, ҳуқуқий, ижтимоий-иқтисодий, маънавий-маърифий ҳаёти тубдан янгиланаётгани, “Миллий тикланишдан – миллий юксалиш сари” ғоясини реал воқеликка айлантириш борасида қўлга киритилаётган ютуқлар хусусида сўз юритилди.
Шунингдек, туманимиздаги Беруний маҳалла фуқаролар йиғинида Республика Маънавият ва маърифат маркази туман бўлинмаси, туман Маҳалла ва оилани қўллаб-қувватлаш бўлими ҳамкорлигида мустақиллигимизнинг 30 йиллиги байрами муносабати билан “Ўзбекистоннинг янги тараққиёт даври ва ривожланиш истиқболлари” мавзусида маънавий-маърифий тадбир ўтказилди.
Тадбирда сўзга чиққанлар 2021 йил мамлакатимиз тарихида сиёсий жараёнларга бой йил сифатида кираётганлигини, бу йилнинг энг асосий воқеаларидан бири — Ўзбекистон мустақиллик йўлини танлаганига 30 йил тўлиши, ушбу буюк неъматга эришиш йўли нақадар мураккаб бўлгани, шундай дориломон кунларда яшаётганимизга шукроналар келтириш лозимлиги хусусида сўз юритдилар.
Шу билан бирга, истиқлолнинг қадрига етиш ҳар биримиз учун ҳам қарз, ҳам фарз эканлиги, дунё ҳамжамиятида Ватанимизнинг ўз ўрни ва мавқейига эгалиги, ўз она тилимизда эмин-эркин сўзлаб, ўз тақдиримизни ўзимиз белгилашимиз, кўҳна тарихимиз, бой меросимиз, муқаддас динимиз, урф-одат ва анъаналаримизнинг қайта тикланиши мустақилликнинг энг катта инъомларидан эканлиги хусусида тўхталдилар.
Тадбир иштирокчилари билан мамлакатимизда сўнгги йилларда барча соҳаларда мамлакат тараққиёти, халқ манфаати йўлида олиб борилган ислоҳотлар ва эришилган ютуқлар ҳақида фикр-мулоҳазалар алмашилди.
Республика Маънавият ва маърифат маркази Амударё тумани бўлинмаси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
