АДЛИЯ ВАЗИРЛИГИ “ФЕРМЕРГА МАДАД” ҲУҚУҚИЙ АКЦИЯСИНИ ЎТКАЗАДИ
Ўзбекистон Республикаси Адлия вазирининг тегишли буйруғига асосан Республикамиз бўйлаб, 2021 йил июнь-декабрь ойларида “Фермерга мадад” ҳуқуқий акцияси ўтказилиши белгиланди. Шунга кўра, юртимизнинг барча ҳудудларида ушбу акция доирасида турли тадбрлар ўтказилади.
Мазкур акцияни ўтказишдан мақсад амалда фаолият юритаётган ва бўлғуси фермер хўжаликларини соҳага оид имтиёз ва преференциялар билан таништириш, уларнинг кундалик ҳаётида дуч келаётган ҳуқуқий муаммоларига ёрдам кўрсатиш, фермер хўжалиги соҳасида ҳуқуқни қўллаш амалиётини ва фермер хўжаликларининг соҳага оид мурожаатларини ўрганишдир.
Шундан келиб чиқиб, мазкур акция ўз ичига бир неча йўналишни қамраб олади. Фермерлар иштирокида суҳбат ва сўровномалар, инфографика материалларини тарқатиш, ташкилотлар ва корхоналарда манзилли, предметли ҳуқуқий-тарғибот тадбирлари, фермер хўжаликларига оид статистик ахборотларни тайёрлаш кабилар акция доирасида ўтказилади.
Таъкидлаш лозимки, ушбу акцияни ўтказишда фермер хўжаликлари билан бирга туман Қишлоқ хўжалик бўлими, Савдо-саноат палатаси, туман Фермер, деҳқон ва томорқа ер эгалари Кенгаши каби тегишли ташкилотларнинг ҳам фаоллиги талаб этилади. Сабаби соҳадаги муаммо ва таклифларни ўрганишда шу тизимда фаолият юритувчи фидоийлар билан бир қаторда фермер хўжаликларига кўмакдош ташкилотларнинг ҳам тажриба ва маслаҳатлари зарур бўлади. Шунга кўра, Адлия бўлими туманимиздаги барча фермер хўжаликлари ҳамда мутасадди идора ва ташкилотларни мазкур акцияда фаол қатнашишга, соҳага оид муаммоларни таҳлил қилиш, қонунчиликдаги камчиликларни аниқлашда ҳамкорлик қилишга чақириб қолади.
М.Матюсупов, туман Адлия бўлими бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
