ADLIYa VAZIRLIGI “FERMERGA MADAD” HUQUQIY AKTsIYaSINI OʻTKAZADI
Oʻzbekiston Respublikasi Adliya vazirining tegishli buyrugʻiga asosan Respublikamiz boʻylab, 2021-yil iyun-dekabr oylarida “Fermerga madad” huquqiy aktsiyasi oʻtkazilishi belgilandi. Shunga koʻra, yurtimizning barcha hududlarida ushbu aktsiya doirasida turli tadbrlar oʻtkaziladi.
Mazkur aktsiyani oʻtkazishdan maqsad amalda faoliyat yuritayotgan va boʻlgʻusi fermer xoʻjaliklarini sohaga oid imtiyoz va preferentsiyalar bilan tanishtirish, ularning kundalik hayotida duch kelayotgan huquqiy muammolariga yordam koʻrsatish, fermer xoʻjaligi sohasida huquqni qoʻllash amaliyotini va fermer xoʻjaliklarining sohaga oid murojaatlarini oʻrganishdir.
Shundan kelib chiqib, mazkur aktsiya oʻz ichiga bir necha yoʻnalishni qamrab oladi. Fermerlar ishtirokida suhbat va soʻrovnomalar, infografika materiallarini tarqatish, tashkilotlar va korxonalarda manzilli, predmetli huquqiy-targʻibot tadbirlari, fermer xoʻjaliklariga oid statistik axborotlarni tayyorlash kabilar aktsiya doirasida oʻtkaziladi.
Taʼkidlash lozimki, ushbu aktsiyani oʻtkazishda fermer xoʻjaliklari bilan birga tuman Qishloq xoʻjalik boʻlimi, Savdo-sanoat palatasi, tuman Fermer, dehqon va tomorqa yer egalari Kengashi kabi tegishli tashkilotlarning ham faolligi talab etiladi. Sababi sohadagi muammo va takliflarni oʻrganishda shu tizimda faoliyat yurituvchi fidoiylar bilan bir qatorda fermer xoʻjaliklariga koʻmakdosh tashkilotlarning ham tajriba va maslahatlari zarur boʻladi. Shunga koʻra, Adliya boʻlimi tumanimizdagi barcha fermer xoʻjaliklari hamda mutasaddi idora va tashkilotlarni mazkur aktsiyada faol qatnashishga, sohaga oid muammolarni tahlil qilish, qonunchilikdagi kamchiliklarni aniqlashda hamkorlik qilishga chaqirib qoladi.
M.Matyusupov, tuman Adliya boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
