ЕР САЙЁРАСИ КУНИГА БАҒИШЛАНГАН ТАРБИЯВИЙ ОЧИҚ ФАОЛИЯТ МАШҒУЛОТЛАРИ ЎТКАЗИЛДИ
Тарбия – кишилик жамиятининг барча босқичларида шаклланиб, ривожланиб боради ва авлоддан-авлодга ўтиб, ҳар бир жамиятда ўзига хос мазмун касб этади.
Айниқса, мактабгача таълим тизимида таълим билан тарбиянинг узвийлигини таъминлаш кичкинтойлар дунёқарашининг шаклланишида муҳим аҳамиятга эга. Яқинда 5-сонли МТТнинг мактабга тайёрлов “А” гуруҳида очиқ фаолият машғулотлари ўтказилиб, унда мазкур гуруҳ тарбиячилари Холида Ҳайитбоева ва Рая Кунгратова томонидан бир вақтнинг ўзида ҳам таълим, ҳам тарбиявий машғулотлар олиб борилди. “Ер сайёраси куни” муносабати билан ташкиллаштирилган тадбирда болажонлар сайёралар номланишини, уларнинг шакли, рангларини ўрганишди. Улар Ер сайёраси – биз яшаб турган муқаддас макон, уни асраб-авайлашимиз, унда дарахтлар, гуллар экишимиз кераклиги ҳақида тушунчага эга бўлдилар.
Шунингдек, тадбир давомида болажонлар томонидан топишмоқ, шеър ва куй-қўшиқлар айтилди.
Очиқ фаолият машғулотлари якунида тарбиячилар ўзаро фикр ва тажриба алмашдилар. 5-сонли МТТ мудираси Х.Ўрозметова, услубчи Г.Йўлдошева, мактабгача таълим ташкилоти туман бўлими услубчилари Н.Ўрозметова, Н.Тожимуродовалар очиқ фаолият машғулотларининг тарбиявий аҳамияти ҳақида ўз фикр-мулоҳазаларини билдиришдилар.
Муяссар Халиллаева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
