ТУРАР ВА НОТУРАР ЖОЙЛАР РАҚАМЛАШТИРИЛМОҚДА
Ўзбекистон Республикаси Президентининг 2019 йил 5 февралдаги “Ўзбекистон Республикасида 2022 йилда “Аҳолини тизимга олиш концепциясини тасдиқлаш ҳақида”ги Фармони ижросини таъминлаш ҳамда Ўзбекистон Республикаси Олий Мажлиси Сенатининг 2020 йил 17 мартдаги баённомаси 6-бандига мувофиқ 2021 йилнинг 1 апрель санасигача аҳоли хонадонларига ва нотурар бино-иншоотларга кўча номи белгиларини ўрнатиш ва уй-жойларни рақамлаштириш вазифаси топширилган.
Айни кунларда туманимиз овул ва маҳалла фуқаролар йиғинлари ҳудудларида аҳоли турар жойлари ва нотурар биноларга кўча номлари ҳамда рақамлар сифатли қилиб ўрнатилмоқда.
“Ўзбекистон Республикасида 2022 йилда “Аҳолини тизимга олиш концепциясини тасдиқлаш ҳақида”ги Президент Фармони ижросини таъминлаш бўйича амалга ошириладиган ишлар “Уй-жай номерлестириў орайы” масъулияти чекланган жамияти зиммасига юклатилган бўлиб, туман Маҳалла ва оилани қўллаб-қувватлаш бўлими билан ўзаро ҳамкорликда иш юритиш бўйича тумандаги овул ва маҳалла фуқаролар йиғинлари кесимида режавий-жадвал тузилиб, шу асосда иш олиб борилмоқда.
Аҳоли хонадонлари ҳамда ҳудудлардаги нотурар бино-иншоотларни рақамлаштириш, кўча, овул ва маҳалла номлари ёзилган пешлавҳаларни сифатли қилиб ўрнатишга алоҳида эътибор қаратилмоқда.
“Уй-жай номерлестириў орайы” масъулияти чекланган жамияти томонидан белгиланган режага кўра, туман Маҳалла ва оилани қўллаб-қувватлаш бўлими кўрсатмаси асосида март ойининг биринчи ўн кунлигида туманимиздаги барча овул, шаҳарча ва маҳаллалар фуқаролар йиғинлари ҳудудларидаги турар ва нотурар жой объектларида рақамлаштириш ишлари бошлаб юборилди. Бу борада Манғит шаҳарининг Янгибод маҳалласида амалга оширилаётган ишлар эътиборга лойиқ. Маҳалла ҳудудида рақамлаштириш ишларини амалга ошириш, хонадонлар, тадбиркорлик субъектлари, давлат корхоналари пешлавҳаларининг сифатли бажарилишида “Уй-жай номерлестириў орайы” масъулияти чекланган жамияти иш юритишувчиси Азамат Ҳайитмуратовнинг хизмати катта.
Қисқа фурсат ичида маҳалла ҳудудидаги 378 та хонадон рақамлаштирилиб, 90 фоиз кўчаларга махсус белгилар, кўча номлари сифатли қилиб ўрнатилди. Амалга оширилган бу ишлар келгусида туманимиз аҳолисини тизимга олиш ва рўйхатдан ўтказишда муҳим аҳамият касб этади.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
