ЗАМОНАВИЙ АКТ ДАВЛАТ ФУҚАРОЛИК ХИЗМАТИНИ РИВОЖЛАНТИРИШДА МУҲИМ ОМИЛ БЎЛМОҚДА
Давлат хизматини ривожлантириш агентлигининг Давлат фуқаролик хизматчилари вакант лавозимларининг ягона очиқ портали (vacancy. argos.uz) ишга туширилди.
2020 йилда ишга туширилган мазкур портал давлат органлари ва ташкилотларидаги вакант лавозимлари учун номзодлар очиқ, мустақил танлашни ташкил этиш бўйича электрон тизим бўлиб, интернет тармоғида “бир дарча” тамойили асосида фаолият кўрсатади.
Ягона очиқ портали ахборот технологияларини қўллаган ҳолда, интернет тармоғида барча фуқаролар фойдаланиши учун очиқ ва шаффоф тарзда ишлаб чиқилган. Фуқаролар мазкур портал орқали ўзлари истаган вакант лавозимлар учун ариза топширишлари ҳамда тегишли танловларда иштирок этиш, давлат фуқаролик хизматига қабул қилинишлари мумкин.
Бугунги кунда номзодларни давлат фуқаролик хизматига қабул қилишда ўтказиладиган билим синови жараёнларига ҳам ахборот технологиялари жорий этилган. Хусусан, бу борада Давлат хизматининг ягона электрон ахборот-таҳлил тизимида Давлат хизматчиларини синовдан ўтказиш модули (test.argos.uz) ишлаб чиқилган. Давлат фуқаролик хизматига қабул қилинувчилар ушбу тизим орқали синовдан ўтказилиб, уларнинг иқтисодий, сиёсий, маънавий ва ахборот технологиялари соҳасидаги билимлари махсус тестлар асосида баҳоланади. Бу жараён инсон омили аралашувисиз, шаффоф тарзда амалга оширилади. Синовларда 55 фоиздан юқори натижага эришган номзодлар танловнинг кейинги босқичига, суҳбат жараёнларига таклиф этилади. Талабгор фуқаролар шу тарзда давлат органлари ва ташкилотларидаги вакант лавозимларни эгаллайдилар.
Хулоса қилиб айтганда, соҳага замонавий ахборот технологияларининг кенг жорий этилиши давлат фуқаролик хизматига муносиб, билимли ва тажирибали кадрларни танлашга замин яратмоқда.
Н.АЛЛАМБЕРГЕНОВ, Президент ҳузуридаги Давлат хизматини ривожлантириш
агентлиги Қорақалпоғистон Республикаси филиали етакчи инспектори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
