“Соғлом бола йили” янгиликлари
26 май куни Амударё академик лицейида Ўзбекистонда хизмат кўрсатган маданият ходими, Қорақалпоғистон халқ шоираси, Бердақ номидаги Қорақалпоғистон Республикаси Давлат мукофоти лауреати Гулистон Матёқубованинг "Ота уйим" номли янги китобининг тақдимот маросими бўлиб ўтди.
Тадбирда Қорақалпоғистон Республикаси "Олтин мерос" жамғармаси раиси Абадан Сапарова ҳамда халқ артисти Гулпаршин Сиримбетовалар иштирок қилдилар.
27 май куни "Турсунбоева Умида” фермер хўжалигида ғўза ниҳолларини суғориш бўйича кўргазмали семинар бўлиб ўтди. Суғориш мавсумида 3170 нафар фермер хўжаликлари ишчилари, 262 нафар ирригация тизими ходимларидан иборат сувчилар суғориш ишларини уюшқоқлик билан ўтказиш учун масъул қилиб бириктирилди.
Шунингдек, шарбат усулида суғориш учун 5283 дона чуқурчалар қазилиб, ҳар гектар майдонга 5 тоннадан маҳаллий ўғит чиқарилади.
Бу йил фуқаролар йиғинларининг диний маърифат ва маънавий-ахлоқий тарбия масалалари бўйича маслаҳатчиси лавозими ташкил қилинганига 10 йил тўлади. Шу муносабат билан 27 май куни туман маданият уйида тадбир ўтказилди. Туман хотин-қизлар қўмитаси томонидан ташкил қилинган мазкур тадбирда ўз касб вазифаларига фидойилик билан ёндошиб, самарали меҳнат қилаётган маслаҳатчилар тақдирланди. Тадбир сўнгида концерт дастури намойиш қилинди.
1 июнь куни Манғитдаги болалар маданият ва истироҳат боғида 1 июнь - Халқаро болаларни ҳимоя қилиш куни муносабати билан "Болаларга беринг дунёни" деб номланган мусиқий байрам томошаси бўлиб ўтади.
Тадбир болажонлар иштирокида "Соғломжон-полвонжон" спорт мусобақалари, асфальтга расм чизиш бўйича беллашувлар билан бошланади.
Болалар завқ-шавқ билан томоша қилиб, мириқиб дам оладиган кўплаб қўшиқ, рақслар байрам дастуридан ўрин олган.
Жорий йилда туманимизнинг 4 та ҳудудида, 3 навбатда жами 1140 нафарболаларни қабул қилиш қувватига эга 4 та болалар кундузги оромгоҳлари фаолият бошламоқда.
Оромгоҳларга асосан кам таъминланган, ижтимоий ҳимояга муҳтож, серфарзанд оилаларнинг ўғил-қизлари қамраб олинмоқда. Мазкур оромгоҳларда малакали педагог-мураббийлар болаларнинг мароқли дам олишига ва жисмонан ҳамда ақлан соғломлашишига хизмат қилади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
