Жайхун илҳомлари

Янги йил ОРЗУЛАРи

Ўзгача шукуҳда, ўзгача завқда,

Кўнглимни тўлдириб улуғ мақсадга.

Орзу-армонларим гулга кирмоқда,

Янги йил, келавер, сени соғиндим.

 

Бирам гўзал бугун бу хиёбонлар,

Кўнгилга хуш ёқар шод-хуррам онлар.

Деразамни чертар Аёзбобо ҳам,

Янги йил, келавер, сени соғиндим.

 

Хайр эски йилим, сендан розиман,

Омад олиб келдинг ўғил-қизимга.

Ким учун бахт-иқбол, ё дил розисан,

Синовларда бўлдинг бир тарози сен.

 

Шошиб оқиб кетган сой бўлдинг, йилим,

Машаққатлар чекиб, ёй бўлдинг, йилим.

Ҳар битта юракка бериб қаноат,

Юксалдинг, дилларда мисли матонат...

 

Тарих зарварағи олдимда, оппоқ,

Ҳали ёзилмаган саҳифалари.

Янги йил, халқимга бахт бергин порлоқ,

Саломатлик бўлсин дақиқалари.

Зуҳра АҲМЕДОВА.

ВАТАНГА ҚАСАМЁД

Жаннатмакон юртим, жон Ўзбекистон,

Ватансан беғубор, мусаффо баҳор.

Ҳимоянгда турар мард, жасур ўғлон,

Ҳарбий хизмат эрур фахр-у ифтихор.

 

Ўғлингман, мен сенга қалқон, ҳимоя,

Собитман қолгунча то сўнгги нафас.

Ёвлар ўтолмайди бор метин қоя,

Ўзбек ўғлонига ой қилар ҳавас.

 

“Ўғлим, отланибсан, эзгулик йўлинг,

Мард бўлгин, ўктам бўл, эл бўлсин рози.

Аждодлар руҳидан куч олсин қўлинг,

Юртимда янграсин тўйлар овози”.

 

Дея дуо қилар меҳрибон онам,

Овози беради фикримда жаранг.

Берган оқ сутингиз оқлайин ҳар дам,

Сиз боис етишдим шу кунга, қаранг!

 

Бугун қабул қилдим ҳарбий қасамёд,

Ватан байроғини тиз чўкиб ўпиб.

Шу онтимга содиқ қолгум умрбод,

Асл фарзанд бўлай шонли йўл ўтиб.

 

Ҳарбий қасамёдни қабул қилган он.

Ёдимга келади шундай бир хаёл:

Йигит ҳаётида ягона имкон –

Сен Ватан ўғлисан, жангчи бўл ҳалол!

 

Ушбу қасамёдни дилимга жойлаб,

Юракда пинҳона сўздек асрайман.

Тупроғинг кўзимга тўтиё айлаб,

Бепоён сарҳадинг кўздек асрайман.

 

Халқим, Юртбошимга жисм-у жон билан,

Аждодлар руҳлари – буюк шон билан,

Ватан севгиси-ю, чин иймон билан,

Қасамёд қилдим мен,

                    Қасамёд қиларман,

                                  Қилгум қасамёд!!!

Алишер АҲМЕДОВ,

22-сонли мактаб ўқитувчиси.

Янги йил тонгида

Билим боғларидан гул тергансизлар,

Илм чашмасидан сув бергансизлар.

Ҳаёт сирларини бир-бир ўргатиб,

Ақл-у шууримиз чархлагансизлар.

 

Геродот илмидан хабардор қилиб,

Тарихни биз билан бирга кездингиз.

Маънавият олтин битикларидан,

Қалбларга нур ила зиё бердингиз.

 

Жаҳон тилларига меҳр уйғотиб,

Мўъжизалар томон равон йўл очиб.

Ўз она тилимиз қадр-қимматин,

Кўрсатиб жаҳонда тенгсиз қудратин.

 

Юракларда меҳр уйғотган Устоз –

Бизга тиладингиз энг баланд парвоз.

Янги йил тонгида муҳаббат билан,

Бахт-иқбол тилайман Сизга сарафроз!

Ёрқиной КЕНЖАБОЕВА,

11-сонли мактаб ўқувчиси.

МАРД ЎҒЛОНЛАР

ҚЎРҚМАЙДИ

Мард йигитлар кўнглида,

Ватан деган туйғу бор.

Тўсиқ чиқса йўлида

Кучи бор, қудрати бор.

Тупроғин топтаса ким,

Қалқон бўлар кўкраги.

Енголмас уни ҳеч ким,

Ер кўрмаган кураги.

Қалбида эзгу ният,

Кеча-кундуз постдадир.

Сўзи бир, ҳар ишда мард,

Ёмонликка қасддадир.

Оиладан кўнгли тўқ,

Мард ўғлонлар сафдадир.

Дилимда ҳеч армон йўқ,

Акам ҳам хизматдадир.

Акам, укам – бир сафда,

Ватанни қўриқлайди.

Мард ўғлонлар, албатта,

Юртга қалқон, қўрқмайди.

Д.Aбдураҳмонов, Холимбег овули.

БАҒИШЛОВ

Сизлар бахт улашувчи,

Ватан чун курашувчи.

Тунни ҳам тун демасдан,

Тенгсиз бўлиб турувчи.

Эй юртим ўғлонлари,

Фидойи инсонлари.

Жонингиз омон бўлсин,

Сиз тинчлик қалқонлари.

Юртда тинчлик барҳаёт,

катта кичик бари шод.

Жони фидо аскарлар,

юракда мангу ҳаёт.

Аскарларга ҳавасда,

Тургим келади сафда.

Бошлари омон бўлсин,

Доим жонлари хавфда

Дилдора РАЖАБОВА.

Ватаним

Эл аро ҳурмати ошган,

Бойликлари тўлиб-тошган.

Гулларга кон ҳур маконим –

Ватаним – Ўзбекистоним!

 

Бетакрордир гулбоғлари,

Обод, сўлим чорбоғлари.

Юрагимда нур – ирфоним –

Ватаним – Ўзбекистоним!

 

Яйраб яшар барча миллат,

Аҳил, тотув эл-у элат.

Ноз-неъматга бой хирмоним –

Жонажон Ўзбекистоним!

 

Постда собит ўғлонлари,

Улар тинчлик қалқонлари.

Бағри обод юрт – қўрғоним –

Фаровон Ўзбекистоним!

Қундуз АЛИБОЕВА,

3-сонли мактаб ўқувчиси.

аскарлар

Ҳимоя қилиб юртни,

Сергак доим аскарлар.

Жон тикиб асрар бизни,

Доим ботир аскарлар.

 

Чегарада турасиз,

Ёз-у қиш ва баҳорда.

Кунни тунга улайсиз,

Шом-у саҳар, наҳорда.

Шаҳзода Жўллибоева, 3-сонли мактаб ўқувчиси.

Янги йил тилаклари

Янги йилни барчамиз,

Кутамиз шод, бахтиёр.

Уй тўрида арчамиз,

Дилда орзулар бисёр.

 

Давра эзгу тилакларга,

Тўлиб-тошар ушбу дам.

Шижоатли юракларга,

Йўламагай асло ғам.

 

Кулиб, яйраб ўйнаймиз,

Қорбобони кутамиз.

Қўл ушлашиб шод-хуррам,

Янги йилни кутамиз.

 

Дўст-у ёрон жам бўлиб,

Яхшиларни эслаймиз.

Аҳил-у бирдам бўлиб,

Тинчлик куйин куйлаймиз.

Зулфизар Ўрозбоева,

16-сонли мактаб ўқувчиси.