ЧЕККА ҲУДУДЛАР АҲОЛИСИГА КЎМИР ЕТКАЗИБ БЕРИЛМОҚДА
Куз-қиш мавсумида аҳолига “Қорақалпоқ кўмир таъминот” МЧЖнинг тумандаги омбори масъуллари томонидан кўмир маҳсулотлари еказиб берилмоқда.
Мазкур МЧЖнинг Куюк кўпир овулида жойлашган омбори масъуллари зарурат бўлган ҳудудларга маҳсулотни белгиланган ҳажмда, ўз вақтида етказмоқда. Айни пайтда бу ерда Д.Сатторов бошчилигидаги 18 нафар ишчи-ходим 1 та юкловчи ҳамда 2 та юк ташувчи техникалари ёрдамида туман аҳолисини кўмир маҳсулоти билан таъминлаш борасида фаолият олиб боришмоқда.
Туманимизда кўмир маҳсулотларини ғамлаш ва етказиб бериш бўйича чора-тадбирлар ишлаб чиқилди. Кўмир маҳсулоти нархи арзон бўлиши учун уни етказиб берувчи тадбиркорларга темир йўлда ташиш бўйича чегирма берилиши режалаштирилди.
Омборда кўмир брикетлари ҳам ишлаб чиқарилиб, туманимиздаги корхона-ташкилот, муассаса, ижтимоий соҳа объектлари, шунингдек, аҳолига керакли миқдорда етказиб берилмоқда.
Жорий йилги куз-қиш мавсуми учун кўмир маҳсулотини етказиб бериш режаси 13180 тоннани ташкил этади. Шундан 2205 тонна кўмир ижтимоий соҳа объектлари, туман Халқ таълими бўлими, Тиббиёт бирлашмаси, Мактабгача таълим бўлими, коллежларга етказиб берилиши режалаштирилган. Бу борадаги режа 100,7 фоизга бажарилиб, амалда 2290 тонна кўмир маҳсулоти етказиб берилди.
Режадаги 13180 тоннанинг 10198 тоннаси кўмир, 5187 тоннаси брикетдан иборат бўлиб, шу даврга қадар жами 7803 тонна кўмир маҳсулоти жойларга етказилди.
Шу пайтга қадар туман ҳокимлиги томонидан ёрдам тариқасида 65 та кам таъминланган оилаларнинг ҳар бирига 500 килограммдан кўмир мақсулоти тарқатилди.
Чарос Арслонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
