Қинғирликнинг умри қисқа
Бир жиноят изидан
Халқимизда “Ўзингга эҳтиёт бўл, қўшнингни ўғри тутма”, деган гап бор. Чиндан-да ҳаётимизга теранроқ разм солиб қарасак, ишламай ейишни хоҳловчи, ўзганинг молига кўз олайтирувчи айрим ноқобил инсонларнинг ножўя ишларига ўзимиз шароит яратиб қўйганимизни англамаймиз. Бу баъзан кўнгилсизликларга сабаб бўлади.
Буни Азамат Обидов (исм фамилия ўзгартирилди) боши деворга урилганида билди.
Гап шундаки, у ёз кунларининг бирида томорқасида ишлаётиб, кимдир қўнғироқ қилса, бехабар қолмаслик учун нархи салкам 1 миллион сўм турадиган қўл телефонини полиз четидаги стул устига қўйди. Томорқа ишларини тугатиб, уйига кирганида эса телефонини унутиб қолдирди. Салдан сўнг, қайтиб чиқиб, қўйган жойидан телефонини топа олмади.
Қинғирликнинг умри қисқа, деганлари рост экан. Орадан ҳеч қанча вақт ўтмай, гумонланувчи қўлга олинди ва айбига иқрор бўлди.
Яқинда Жиноят ишлари бўйича туман судида ушбу жиноий иш атрофлича муҳокама этилди. Суд қарорига кўра айбланувчи Азамат Обидовга етказган зарарини қоплаб бергани, айбига чин кўнгилдан пушаймон эканлиги инобатга олиниб, ушбу жиноят иши ҳаракатдан тўхтатилди. Бироқ арзимаган қўл телефони деб бир йигитнинг эл ичра боши эгилди, ўғри деган ном олди. Бу бу унга бир умрлик сабоқ бўлса, ажаб эмас.
С.ДАВЛЕТМУРОДОВ, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
