КАСАБА УЮШМАСИДА ҲИСОБОТ-САЙЛОВ КОНФЕРЕНЦИЯСИ БЎЛИБ ЎТДИ
3 июль куни туман ҳокимлигининг мажлислар залида Ўзбекистон давлат муассасалари ва жамоат хизмати ходимлари касаба уюшмаси Aмударё туман Кенгашининг ҳисобот - сайлов конференцияси бўлиб ўтди.
Конференцияда Ўзбекистон давлат муассасалари ва жамоат хизмати ходимлари касаба уюшмаси Марказий Кенгашининг Қорақалпоғистон Республикаси бўйича масъул ташкилотчиси Рахмон Мадреимов, касаба уюшмасининг Нукус шаҳар Кенгаши раиси Муслима Атамуратова ҳамда тумандаги бошланғич ташкилотлардан сайланган делегатлар, Халқ депутатлари туман Кенгаши депутатлари ҳамда оммавий ахборот воситалари вакиллари иштирок этдилар. Конференция ишини туман ҳокимлиги ташкилий-назорат гуруҳи раҳбари Ғуломжон Дуйсенбоев очди ҳамда олиб борди.
Конференция кун тартибида қатор масалалар юзасидан тегишли мутасаддиларнинг ҳисоботлари тингланиб, муҳокама қилинди. Хусусан, кун тартибидаги Ўзбекистон давлат муассасалари ва жамоат хизмати ходимлари касаба уюшмаси Амударё туман Кенгашининг 2015 йил майдан 2020 йил июлгача бўлган давр мобайнидаги фаолияти якунлари тўғрисидаги масала юзасидан ташкилотнинг туман Кенгаши раиси Азат Алмуратовнинг ҳисоботи тингланди.
Ҳисоботда таъкидланганидек, шу давр оралиғида туманда бандлик, меҳнат муносабатлари, меҳнатга ҳақ тўлаш, адолатли меҳнат шароитларини яратиш, меҳнатни муҳофаза қилиш ва ижтимоий кафолатларга риоя қилиш масалаларида ходимларнинг якка ва жамоавий ижтимоий-меҳнат ҳуқуқларини ифода этиш ва ҳимоя қилиш борасида бир қанча ижобий ишлар амалга оширилган. Касаба уюшмаси туманда аҳоли турмуш даражасини ошириш, иқтисодиётни янада юксалтириш, фуқаролик жамиятини шакллантириш соҳасида амалга оширилган кенг кўламли ўзгаришларнинг амалга ошишига ўз ҳиссасини қўшиб келмоқда.
Маълумки, жорий йилнинг март ойидан “Касаба уюшмалари тўғрисида”ги қонун билан касаба уюшмаларига ходимларнинг меҳнат ҳуқуқини ҳимоя қилиш ва иш берувчилар томонидан меҳнат қонунчилигига риоя этилиши устидан жамоатчилик назоратини амалга ошириш ҳуқуқига эга бўлган меҳнат инспекцияларини тузиш ҳуқуқи берилди. Шу билан бирга касаба уюшмалари давлат ҳокимияти ва бошқаруви органларидан мустақиллиги, улар олдида ҳисобдор эмаслиги мустаҳкамлаб қўйилди.
Конференция кун тартибидаги Ўзбекистон давлат муассасалари ва жамоат хизмати ходимлари касаба уюшмаси Амударё туман Кенгаши таркибини ҳамда Кенгаш раисини сайлаш тўғрисидаги, тафтиш комиссияси таркибини ҳамда комиссия раисини сайлаш тўғрисидаги, қолаверса, Ўзбекистон давлат муассасалари ва жамоат хизмати ходимлари касаба уюшмаси Қорақалпоғистон Республикаси раислар Кенгаши конференциясига делегат сайлаш тўғрисидаги масалалар муҳокама қилиниб, тегишли қарорлар қабул қилинди.
Конференция қарорига мувофиқ Ўзбекистон давлат муассасалари ва жамоат хизмати ходимлари касаба уюшмаси Амударё туман Кенгаши раиси лавозимига мазкур лавозимда шу пайтгача ишлаб келаётган Альмуратов Азат Назаримбетович сайланди.
Чиндан ҳам, бугунги кунда мамлакатимизда касаба уюшмалари фаолиятини янада такомиллаштириш борасида кенг кўламли ислоҳотлар амалга оширилмоқда. Тизимда имтиёзли йўлланмалар олиш даврийлиги 5 йилда бир мартадан 2 йилда бир мартага қисқартирилганлиги, ходимлар томонидан йўлланма учун тўланадиган қисман қиймат миқдори 50 фоиздан 45 фоизга туширилганлиги, санаторийларга яқин қариндошлари учун ҳам йўлланмалар олиш каби имтиёз жорий этилганлиги ҳам фикримизнинг далилидир.
Кун тартибида муҳокама этилган масалалар хусусида конференция иштирокчилари ўзларининг фикр-мулоҳазаларини билдирдилар ҳамда мутасаддиларга ўзларини қизиқтирган саволлар билан мурожаат қилдилар.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
