ИЖТИМОИЙ НАФАҚАЛАP ТАЙИНЛАШДАГИ ЯНГИЛИКЛАP
Ўзбекистон Pеспубликасини ривожлантиришнинг Ҳаракатлар стратегиясидаги устувор йўналишлардан бири бу - ижтимоий соҳани ривожлантиришдир.
Қолаверса, кекса авлод вакилларига бўлган эътибор, уларни ҳар томонлама ижтимоий ва иқтисодий қўллаб-қувватлаш доимо давлатимиз диққат марказида турибди. Молия Вазирлиги ҳузуридаги бюджетдан ташқари Пенсия жамғармаси Амударё туман бўлимида ҳам бу борада бир қанча самарали ишлар амалга оширилмоқда Туманимизда 2020 йил 1 июнь ҳолатига жами пенсия, ижтимоий нафақа олувчи пенсиянерлар 22845 нафарни ташкил этган бўлса, шундан ёшга доир пенсия олувчилар 16920 нафар, ногиронлик бўйича пенсия олувчилар 2500 нафар, боқувчисини йўқотганлик пенсияси олувчилар 994 нафарни, пенсия тайинлаш учун зарур иш стажига эга бўлмаган қарияларга ва боқувчисини йўқотганлар учун ижтимоий нафақалар олувчилар 2431 нафарни ташкил етди. Фарзандли бўлганда ёки бирор яқинидан айрилганда бериладиган бир марталик ижтимоий нафақа ҳам ана шу ғамхўрлик намунасидир.
Аммо шу кунгача ушбу маблағларни олишда бир қатор оворагарчиликлар одамларга қатор ноқулайликларни туғдирарди. Шу боис соҳага рақамли технологиялар кенг татбиқ этилмоқда. Хусусан Хукуматнинг 2020 йил 23 майдаги «Аҳолини ижтимоий ҳимоя қилиш соҳасида давлат хизматлари кўрсатишнинг айрим маъмурий регламентларини тасдиқлаш тўғрисида»ги қарори билан бу оварагарчиликларга чек кўйилди. Қарорга мувофиқ жорий йилнинг июнь ойидан бошлаб фуқоралар туғилганлик ёки вафот этганлик ҳолатини Давлат хизматлари марказлари ДХМда рўйхатдан ўтказиш жараёнида ҳудди шу воқеаликлар учун нафақа олишга ҳам ариза бериши мумкин. Яъни эндиликда суюнчи пули ва Дафн нафақалари ДХМларида расмийлаштирилади. Аввалги тартиб бўйича фуқоралар нафақа пулларини олиш учун узлари фаолият юритаётган ташкилотларга керакли ҳужжатларни илова қилган ҳолда мурожаат қиларди. Улар эса жорий ой учун нафақа ва бошқа тўловларни қоплашга талабномаларни Пенсия жамғармасига кейинги ойнинг 10 санасига қадар тақдим этарди. Ҳар йили ўртача 800-900 минг нафар фуқаронинг Пенсия жамғармасига ёки иш жойига мурожаат қилиш билан боғлиқ ҳолатлар кузатилар эди. Энди эса бу оварагарчиликларга чек қўйилди. Ушбу қарорга мувофиқ энди барча ишловчи ёки ишламайдиган фуқаролар «суюнчи» пули ва дафн маросими учун нафақаларни олиш мақсадида ДХМга келган ҳолда ёки Ягона интерактив давлат хизматлари портали (ЯИДХП) орқали электрон шаклда мурожаат қилиши мумкин. Бунда автоматик тарзда Пенсия жамғармаси билан маълумот алмашилиб, мурожаатнинг қисқа фурсатларда қондирилиши таъминланади.
Ҳужжат билан нафақат тартиб ўзгарди, балки нафақани тайинлаш талаблари ҳам соддалаштирилди. ДХМга мурожаат қилинганда фуқародан ортиқча ҳужжатлар талаб қилинмайди.
Ойбек Жуманов, Бюджетдан ташқари
пенсия жамғармаси туман бўлими бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
