Саховатпеша инсонлар кўп
Aзалдан мехр-мурувватлилик бағри кенг халқимизга хос фазилат. Пандемия сабабли жорий этилган карантин вазиятида ҳам бизнинг буюк халқимиз ўз қадриятларига содиқ қолди. Айниқса, шу кунларда “Саховат ва кўмак” лойиҳаси доирасида тадбиркорларимиз томонидан эҳтиёжманд оилаларга кўмак берилиб, кўплаб хайрли ишлар амалга оширилмоқда.
Савоб умидида саховатли инсонлар кам таъминланган, боқувчисини йўқотган, ёрдамга муҳтож оилалар ҳолидан хабар олишмоқда ва кундалик истеъмол учун зарур бўлган маҳсулотлар билан таминлашмоқда. Бу каби ҳамюртларимиз қаторида Экология партияси аъзоси, туман Кенгаши депутати Ҳамро Хўжаевни ҳам алоҳида тилга олгимиз келади.
Aйни қийин шароитда депутат ўз вазифасини сидқидилдан адо етиб, элнинг оғирини енгил қилмоқда. “Ўрта қала”, “Боғ”, “Фаравон”, “Янгиобод” маҳалласи ҳудуди аҳолиси ўзлари ишониб сайлаган депутатдан мамнун. Ҳамро Хўжаев бу маҳаллаларда яшовчи 33 оилага шу кунга қадар 14 млн. сўмга яқин маблағ сарфлаб, ёрдам кўрсатди.
Мамлакатимизда Ҳамро Хўжаев каби саховатпеша инсонлар кўп. Уларнинг беғараз ёрдами туфайли муҳтожларнинг ташвиши камайиб, эртанги кунга умиди ортмоқда.
Зебо Ражабова, Янгиобод маҳалла фуқаролар йиғини раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
