КАPАНТИН ДАВPИДА БОЛАЖОНЛАP ВАҚТЛАPИНИ МАЗМУНЛИ ЎТКАЗИШМОҚДА
Карантин даврида МТТ тарбияланувчиларининг бўш вақтларини мазмунли ўтказиш, уларнинг таълим-тарбия жараёнидан узилиб қолмасликлари учун Ўзбекистон Pеспубликаси Мактабгача таълим вазирлиги Миллий телерадиокомпания ёрдамида ота-оналарга мактабгача таълим ёшдаги болаларга тизимли, фойдали ва ривожлантирувчи таълим беришда услубий ёрдам сифатида “Онлайн болалар боғчаси” дастурини ишлаб чиқди.
Ушбу дастур асосида туман мактабгача таълим бўлими томонидан самарали ишлар қилинмоқда. Фарзандларимизнинг узлуксиз таълим-тарбия олишлари учун тегишли чора-тадбирлар амалга оширилмоқда. Туман Мактабгача таълим бўлимига қарашли мактабгача таълим ташкилотларида карантин тартибларига амал қилган ҳолда таълим-тарбия ишларини йўлга қўйишга астойдил киришилди. Ҳозирги давр талабидан келиб чиқиб, тарбиячилар кунлик режа асосида онлайн машғулотлар ўтмоқдалар. Бунда ахборот-коммуникация технологиялари имкониятларидан кенг фойдаланилмоқда. Ташкилот тарбиячилари онлайн машғулотлар давомида тарбияланувчилар ва уларнинг ота-оналарига кундалик, ҳафталик иш режаси мавзуларига оид, видео-лавҳалар, тақдимотлар орқали машғулотлар ташкил қилиб, вазифалар бериб келмоқда. Кичкинтойлар машғулотларни қай даражада ўзлаштирганини баҳолашда ота-оналарнинг фикрлари ҳам ҳисобга олинмоқда.
Шунингдек, мактабгача таълим ташкилоти ҳамширалари ҳам ота-оналар билан мунтазам равишда алоқада бўлиб, фарзандларининг соғлигидан бохабар бўлиб туришибди.
Туман мактабгача таълим бўлими масъул ходимлари томонидан ташкилот тарбиячиларининг онлайн машғулотлари назоратга олиниб, машғулотлар сифатини ошириш учун зарур методик тавсия ва таклифлар берилмоқда.
“Илк қадам” давлат дастури негизида қувноқ қаҳрамонлар иштирокидаги эрталабки бадантарбия машқлари, интерфаол ўйин шаклидаги инглиз тили машғулоти, ментал арифметика ва математик ҳисоб асослари, ёш сайёҳ (митти дўстларимиз учун Ўзбекистоннинг қадимги шаҳарлари ҳақида кўрсатувлар тўплами), митти ёрдамчи (ошхона таомлари тайёрлаш бўйича маҳорат дарслари), логопед билан машғулотлар ўтказилмоқда.
Шунингдек, “Ақлвой” дастурида эса МТТ педагоглари ва миллий қаҳрамонлар иштирокидаги болалар таълим кўрсатувлари, маҳорат дарслари, уй шароитларида амалий тажрибалар тўғрисида 20-25 дақиқалик видеолавҳалар бериб борилмоқда. Машғулотларда берилаётган вазифаларнинг бажарилишини назорат қилишда тарбиячилар ва ота-оналар ўртасида ҳамкорлик ўрнатилган.
Саида Содиқова,
туман Мактабгача таълим бўлими мудираси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
