КАPАНТИН ТАЛАБЛАPИ ИЖPОСИ МАСЪУЛ ОPГАНЛАP ТОМОНИДАН НАЗОPАТ ҚИЛИНДИ
Коронавирус пандемиясига қарши курашнинг энг самарали йўли шахсий гигиена қоидалари билан бирга карантин тартибига амал қилишдир. Юртимизда коронавирус тарқалишининг олдини олиш ва жиловлашга эришиш борасида амалга оширилаётган саъй-ҳаракатларда ҳам ушбу қоидалар ижросини назорат қилиш муҳим ўрин тутади.
Шу йил 28 май куни туманимизда фаолият юритаётган савдо дўконлари, етказиб бериш хизмати билан шуғулланаётган ошхоналар, тиббиёт муассасалари ва бошқа идоралардаги карантин талаблари бўйича ҳолат Қорақалпоғистон Pеспубликаси Давлат санитария эпидемиология назорат бошқармаси, Қорақалпоғистон Pеспубликаси Санитария эпидемиологик-осойишталик маркази, туман Ички ишлар бўлими масъуллари томонидан кўздан кечирилганида кўпгина камчиликларга ҳам йўл қўйилаётганлиги аниқланди. Хусусан, Манғит шаҳрининг Буюк турон кўчасида жойлашган “Тахиатош шарапсауда” масъулияти чекланган жамиятига қарашли 18-сонли дўкон кириш эшиги олдига дезинфекцияланган тўшама қўйилмаганлиги, мижозларнинг ҳароратини ўлчовчи асбоб мавжуд эмаслиги маълум бўлди.
Айни карантин пайтида “Сероб ният” масъулияти чекланган жамиятига қарашли “Тўлқинжон” ошхонаси мижозларга тайёр овқатларни етказиб бериш хизматини кўрсатмоқда. Текширишлар давомида мазкур ошхона ишчилари карантин қоидаларига амал қилмасдан, махсус ишчи кийим киймасдан, тиббий ниқоб тақмасдан ишлаётгани аниқланди. Уларга санитария-профилактик тушунтириш ишлари олиб борилди.
Шунингдек, Бердақ кўчасининг 11-уйида жойлашган “Агробанк” акциядорлик тижорат банкининг “Амударё” филиали назоратдан ўтказилганда бинога кириш эшигига дезинфекцияланган тўшама тўшалмаганлиги, мижозлар ўртасида ижтимоий масофа сақланмаётганлиги, ишчи-ходимлар махсус кийим ва тиббий қўлқоп киймасдан ишлаётганликлари аниқланиб, ҳолат юзасидан масъул ходимлар маъмурий жавобгарликка тортилди.
Бундан ташқари, Буюк Турон кўчасида жойлашган “Шавкатова Дурдона Мансур қизи” оилавий корхонасига қарашли озиқ-овқат дўкони кириш эшиги олдида ҳам дезинфекцияланган тўшама йўқлиги, мижозлар билан масофа сақлаш учун тўсиқ блоки ташкил этилмаганлиги, тана ҳароратини ўлчайдиган асбоб ҳам йўқлиги, сотувчи антисептик восита билан таъминланмаганлиги маълум бўлди. Pейд давомида аниқланган ушбу камчиликлар юзасидан корхона раҳбарига огоҳлантириш берилди.
Туман тиббиёт бирлашмасига қарашли марказий шифохона кириш дарвозаси олдида тўсиқ блок ташкил этилган, тепловизор билан таъминланган, антисептик воситалар мавжуд. Бироқ шифохонанинг қабул бўлимида ишловчи тиббиёт ходимлари орасида тиббий ниқоб тақмасдан ишлаётганлари ҳам бор, тиббий қўлқоп билан таъминланган бўлса-да, кўпчилиги уни киймасдан ишлашмоқда.
Физиотерапия бўлимида тиббиёт ходимларининг қўл ювиши учун шароит яратилган, суюқ совун қўйилган. Бироқ антисептик воситалар, бир марта фойдаланиладиган қоғоз салфетка билан таъминланмаган. Бу бўйича шахсий карантин қоидаларига амал қилмаган айрим тиббиёт ходимлари маъмурий жавобгарликка тортилди.
Якка тадбиркор Матмуродов Шуҳратга қарашли озиқ-овқат дўкони, М.Шодмоновга тегишли озиқ-овқат дўконига дезинфекцияланган тўшама қўйилмаганлиги, антисептик воситалар билан таъминланмаганлиги, тепловизор йўқлиги, мижозлар билан ижтимоий масофа сақлаш йўлга қўйилмаганлиги сабабли бу бўйича масъул шахслар огоҳлантирилди.
Кўптармоқли марказий поликлиникага кириш жойида ҳам дезинфекцияланган тўшама йўқ, келган беморлар қўлларини зарарсизлантириши учун антисептик воситалар билан таъминланмаган, рўйхатга олиш хонаси ходими эса тиббий ниқобсиз, қўлқопсиз ишлаётгани аниқланиб, тегишли чоралар кўрилди.
Карантин қоидаларига амал қилиниши бўйича ўтказилган рейд давомида Буюк Турон кўчаси бўйлаб назорат олиб борилганида ҳам карантин қоидаларига амал қилмай юрган фуқаролар аниқланиб, маъмурий жавобгарликка тортилди.
Карантин – пандемиянинг олдини олишда энг яхши восита. Шу сабабли ҳар биримиз белгиланган тартиб-қоидаларга амал қилсак, касаллик тарқалишининг олди олинишга эришамиз.
Ойгул Pажабова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
