“Обод ва ҳавфсиз маҳалла” шиори остида семинар ташкил қилинди

Бутун мамлактимизда бўлгани каби, туманимизда ҳам барча соҳаларнинг ривожланиши учун қабул қилинаётган қонун ҳужжатларининг ижросини таъминлаш юзасидан кенг кўламли чора-тадбирлар амалга оширилмоқда.

Туманимиздаги Қиличбой овулида давлатимиз раҳбарининг “Жамиятда ижтимоий-маънавий муҳитни соғломлаштириш, маҳалла институтини янада қўллаб қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги Фармони ижросини таъминлаш мақсадида намунавий семинар ташкил қилинди.

Семинарда Қорақалпоғистон Pеспубликаси Маҳалла ва оилани қўллаб қувватлаш вазирлиги мутахассиси Қувонч Турениёзов, туман ҳокими ўринбосари, туман Маҳалла ва оилани қўллаб-қувватлаш бўлими бошлиғи Алишер Йўлдошев, бўлим бошлиғининг ўринбосари Баҳодир Болтабоев  ва фуқаролар йиғини раислари иштирок этдилар.

Тадбирда таъкидланганидек, ўтган қисқа даврда аҳоли муаммоларини аниқлаш ва ҳал этиш бўйича “маҳалла – сектор – Халқ қабулхонаси – маҳалла” тамойили асосида самарали ҳамкорлик тизимини жорий этиш, маҳаллани халқ билан давлат ўртасида ишончли “кўприк” бўлишини амалда таъминлаш, оила ва хотин-қизларни қўллаб-қувватлаш борасида комплекс чора-тадбирлар амалга оширилди. Мазкур чора-тадбирлар натижасида ҳудудлардаги мавжуд муаммолар ўрганилиб, бартараф этилди ва аҳоли учун фаровон турмуш тарзи яратилди. Тадбиркорликни йўлга қўйиш орқали ишсизликни бартараф этиб, бандликни таъминлаш мақсадида аҳоли учун кенг имкониятлар берилди. Кам таъминланганлар, ёш оилалар учун янгидан турар жойлар барпо этилди. Ногиронлар, якка-ёлғиз яшовчи кексалар яшайдиган таъмирталаб уйлар эса таъмирлаб берилди. Ҳудудларни ободонлаштириш, кўкаламзорлаштириш бўйича ҳам кўламли ишлар бажарилди.

Семинарда иштирокчиларга Президентимизнинг “Жамиятда ижтимоий-маънавий муҳитни соғломлаштириш, маҳалла институтини янада қўллаб қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги Фармонининг мазмун-моҳиятини хусусида тушунчалар берилди. Мазкур Фармон аҳоли осойишталигини таъминлаш, оила ва хотин-қизлар билан ишлаш тизимини янги даражага олиб чиқиш, нуронийлар ижтимоий фаоллигини ошириш, маҳаллани жиноятчиликдан ҳоли ҳудудга айлантиришда фуқароларнинг ўзини ўзи бошқариш органлари роли ва мавқеини янада мустаҳкамлашда муҳим ҳужжат бўлганлиги алоҳида эътироф этилди.

“Обод ва хавфсиз маҳалла” шиори остида ташкил қилинган мазкур семинарда иштирокчилар овул фуқаролар йиғинида олиб борилаётган ободонлаштириш, бунёдкорлик ишлари билан танишиб, ҳудудда тадбиркорлик билан шуғилланиш учун яратилган шароитлар ва имкониятлар бўйича тадбиркорлар билан мулоқот қилинди. Мулоқот давомида тадбиркорларнинг муаммо ва таклифлари ўрганилди.

Шунингдек, фуқаролар йиғинида “Маҳалла – сектор – халқ қабулхонаси – маҳалла” ҳамда  “Хавфсиз маҳалла” шиори остида амалга оширилаётган ишлар ҳам атрофлича ўрганилди ҳамда кам таъминланган ва камбағал оилалар билан ишлаш, уларни камбағалликдан чиқариш бўйича таклифлар тингланди.

Бу каби семинарлар туманнинг Холимбег, Дурунки, Чойкўл, Намуна, Тош қалъа овул ва маҳаллаларида ҳам ўтказилди.

Чарос Арслонова, туман ҳокимининг ахборот хизмати раҳбари.