Алимент тўлашдан бўйин товлаган эркакка жазо тайинланди
Қиличбой овул фуқаролар йиғини маъмурий биносида Жиноят ишлари бўйича туман суди судьяси С.Давлетмуродов раислигида судланувчи фуқаронинг жиноий иши сайёр суд мажлисида кўриб чиқилди.
Судланувчи ўзининг 8 яшар қизи таъминоти учун ҳар ойда иш ҳақи ва бошқа даромадларининг тўртдан бир қисми миқдорида алимент нафақасини тўлаб туриши ҳақида Фуқаролик ишлари бўйича Сирдарё вилояти туманлараро судининг 2018 йил 4 январдаги қарорини олган бўлса-да, ушбу маблағларни тўлашдан бўйин товлаб келган. Бунинг учун Амударё туман Маъмурий судининг 2019 йил 12 июлдаги қарорига мувофиқ Ўзбекистон Pеспубликаси Маъмурий жавобгарлик тўғрисидаги Кодексининг тегишли моддасига мувофиқ энг кам ойлик иш ҳақининг 2 баравари миқдорида жарима жазосига ҳам тортилган эди.
Бундан тегишли хулоса чиқармаган судланувчи ҳаракатларини давом эттириб, алиментдан қарздорлиги беш миллион беш юз йигирма икки минг сўмдан ошиб кетган.
Судда бу ҳақда батафсил сўз юритилди, судланувчига вояга етмаган қиз таъминотини таъминлаш мажбурияти тушунтирилди.
Маълумки, Оила Кодексининг 116-моддасида вояга етмаган ёки вояга етган меҳнатга лаёқатсиз, ёрдамга муҳтож болаларига алимент тўлаш ҳақидаги суднинг ҳал қилув қарорини бажаришдан бўйин товлаган шахслар жиноий жавобгарликка тортилиши мумкинлиги назарда тутилган.
Сайёр суд мажлисида судланувчининг қилмишлари инобатга олинган ҳолда тегишли жазо тайинланди.
С.Давлетмуродов, Жиноят ишлари бўйича туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
