АЛИМЕНТ МАЖБУРИЯТЛАРИ ИЖРОСИ ЯГОНА АХБОРОТ ТИЗИМИ ОРҚАЛИ АМАЛГА ОШИРИЛМОҚДА
Мажбурий ижро бюроси туман бўлимида жами 1008 та вояга етмаган фарзандлар таъминоти учун алимент ундириш билан боғлиқ ижро ҳужжати мавжуд. Шундан 394 нафар қарздор Ўзбекистон Республикасидаги ўртача ойлик иш ҳақи миқдоридан алимент пулларини тўлайди. Қолган 614 нафар қарздордан алимент пуллари Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг 64-моддасига мувофиқ, иш ҳақларидан ундириб келинмоқда.
Алимент қарздорлиги 5 млн.дан ортиқ бўлган қарздорларга нисбатан Ўзбекистон Республикаси МЖтКнинг тегишли моддасига кўра иш очилиб, кўриб чиқиш учун Жиноят ишлари бўйича Амударё туман судига ўтказилиб, кўриб чиқилмоқда.
Президентимизнинг 2020 йил 24 ноябрдаги 6118-сон Фармонига мувофиқ, 2021 йил 1 мартдан бошлаб, ижро ҳужжатлари бўйича алимент мажбуриятларини бажариш қарздорлар томонидан Алимент мажбуриятларини ижро этиш ва назорат қилишнинг ягона ахборот тизими орқали амалга оширилиши кўзда тутилган эди. Шунга кўра Бюро томонидан Ягона ахборот тизимида алимент мажбуриятлари бўйича алоҳида банк ҳисобварағини очиш, ижро ҳужжатлари бўйича ундирувчи, яъни алимент олувчи номига тегишли банк картасини расмийлаштириш каби алимент мажбуриятларини бажаришнинг янги тартибини жорий этиш чоралари кўрилди. Қарздорларнинг Ўзбекистон Республикасидан чиқишига таъқиқ қўйиш ва чиққанларни қидириш юзасидан барча зарурий чоралар белгиланди.
МИБ туман бўлими томонидан қонунчиликда белгиланган муддат мобайнида қарздорликни тўлиқ тўламаганларга нисбатан мол-мулкларини хатлаш, реализация қилиш ишлари олиб борилмоқда. Шунингдек, меҳнат ярмаркаларини ташкиллаштириш орқали алимент тўловчилар бандлигини таъминлаш ва ажрашган оилаларни яраштириш каби чораларни қўллаш орқали ҳам муаммолар ҳал этилиб келинмоқда.
У.АШИРБОЕВА,
МИБ туман бўлими давлат ижрочиси, 2-даражали юрист.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
