И.Полвонов "Адолат" кўкрак нишони билан тақдирланди
Бугунги кунда Ўзбекистон сиёсий саҳнасида фаолият кўрсатаётган патиялардан бири “Адолат” социал-демократик партияси жамиятда ўз ўрни, ўз сўзи ҳамда нуфузига эга. Партия фаолияти юртимиз равнақи ва унинг мустақиллигини мустаҳкакмлашга, ислоҳатларни жадаллаштиришга, ҳуқуқий давлат қуриш ва чиннакам адолатга асосланган фуқоралик жамиятини барпо этишга қаратилган.
Шуни алоҳида таъкидлаш керакки, партиянинг сиёсий ҳаётида самарали фаолият олиб бораётган, юқори кўрсаткичларга эришаётган вакилларни рағбатлантириш мақсадида “Aдолат” кўкрак нишони таъсис қилинган. Қувонарлиси шуки, жорий йилда ушбу кўкрак нишонига партиянинг Қорақалпоғистон Pеспубликаси Кенгаши вакиллари орасидан Aмударё тумани Кенгашида бир неча йиллар давомида намунали фаолият кўрсатган юртдошимиз Илҳом Полвонов лойиқ дея топилди.
Яқинда туман ҳокимлиги мажлислар залида ушбу кўкрак нишонини ўз эгасига топшириш маросими бўлиб ўтди. Маросимда туман ҳокими Сутонбой Йўлдашев, партиянинг Қорақалпоғистон Pеспубликаси Кенгаши раиси Нурлибай Қаипбергенов ҳамда раис ўринбосари Pауаж Отарбаев, партия фаоллари, бошқа сиёсий партияларнинг туман Кенгашлари раҳбарлари ва депутатлар иштирок қилдилар.
Маросимни партиянинг Қорақалпоғистон Pеспубликаси Кенгаши раиси ўринбосари Pауаж Отарбаев кириш сўзиб билан очиб, мамлакатимизда фуқаролик жамиятини қуриш йўлида амалга оширилаётган кенг кўламли ислоҳотларда Ўзбекистон “Адолат” социал-демократик партиясининг иштироки, ўтган йиллар давомида партия Қорақалпоғистон Pеспубликаси Кенгашида фаолият кўрсатган фидойилар меҳнатлари тўғрисида маълумотлар бериб ўтди ҳамда йиғилганларни партия тузилганлигининг 25 йиллиги билан табриклади.
Pауаж Отарбаев ўз сўзида таъкидланганидек, партиянинг дастурий мақсадлари неча йиллар давомида давр синовидан ўтган ва эзгулик йўлида хизмат қиладиган жаҳон социал-демократик тамойилларининг энг эзгу ғоялари билан суғорилган. Партиянинг асосий шиорида кўрсатилганидек, эркинлик бор жойда адолат бор, адолат бор жойда бирдамлик бор, бирдамлик бор жойда эса албатта, ривожланишлар ва юксалишлар бўлиши аниқ.
Шундан сўнг партиянинг Қорақалпоғистон Pеспубликаси Кенгаши раиси Нурлибай Қаипбергенов Ўзбекистон “Адолат” социал-демократик партиясининг 25 йиллик сиёсий ҳаётида ўзининг аҳамиятли ўрнига эга бўлган партия фидойи аъзоси, Халқ депутатлари Амударё туман Кенгаши депутати Илхом Полванов ҳақида самимий фикрларни билдирди ҳамда “Адолат” кўкрак нишонини тантанали равишда топширди. Ў ўз сўзида Илхом Полванов иш фаолияти давомида қилган самарали меҳнати, жамоатчилик билан мустаҳкам алоқа ўрната олганини, партиянинг ривожи учун катта ҳисса қўшганини алоҳида эътириф этди.
Шунингдек, туман ҳокими Султонбой Йўлдашев ҳам Илҳом Полвоновнинг тиниб-тинчимас, шижоатли, ўз ишига масъулият билан ёндашадиган ходим эканлигини таъкидлаб, унга кўрсатилган бундай эътибор ва мукофот билан самимий табриклади. Ўйлаймизки, бундай рағбат ҳамда эътибор Илҳом Полвоновнинг келгусидаги фаолиятида жуда катта куч ҳамда ғайрат бағишлаб, уни янги марралар сари ундайди.
Туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
