I.Polvonov "Adolat" koʻkrak nishoni bilan taqdirlandi

Bugungi kunda Oʻzbekiston siyosiy sahnasida faoliyat koʻrsatayotgan patiyalardan biri “Adolat” sotsial-demokratik partiyasi jamiyatda oʻz oʻrni, oʻz soʻzi hamda nufuziga ega. Partiya faoliyati yurtimiz ravnaqi va uning mustaqilligini mustahkakmlashga, islohatlarni jadallashtirishga, huquqiy davlat qurish va chinnakam adolatga asoslangan fuqoralik jamiyatini barpo etishga qaratilgan.

Shuni alohida taʼkidlash kerakki, partiyaning siyosiy hayotida samarali faoliyat olib borayotgan, yuqori koʻrsatkichlarga erishayotgan vakillarni ragʻbatlantirish maqsadida “Adolat” koʻkrak nishoni taʼsis qilingan. Quvonarlisi shuki, joriy yilda ushbu koʻkrak nishoniga partiyaning Qoraqalpogʻiston Pespublikasi Kengashi vakillari orasidan Amudaryo tumani Kengashida bir necha yillar davomida namunali faoliyat koʻrsatgan yurtdoshimiz Ilhom Polvonov loyiq deya topildi.

Yaqinda tuman hokimligi majlislar zalida ushbu koʻkrak nishonini oʻz egasiga topshirish marosimi boʻlib oʻtdi. Marosimda tuman hokimi Sutonboy Yoʻldashev, partiyaning Qoraqalpogʻiston Pespublikasi Kengashi raisi Nurlibay Qaipbergenov hamda rais oʻrinbosari Pauaj Otarbayev, partiya faollari, boshqa siyosiy partiyalarning tuman Kengashlari rahbarlari va deputatlar ishtirok qildilar.

Marosimni partiyaning Qoraqalpogʻiston Pespublikasi Kengashi raisi oʻrinbosari Pauaj Otarbayev kirish soʻzib bilan ochib, mamlakatimizda fuqarolik jamiyatini qurish yoʻlida amalga oshirilayotgan keng koʻlamli islohotlarda Oʻzbekiston “Adolat” sotsial-demokratik partiyasining ishtiroki, oʻtgan yillar davomida partiya Qoraqalpogʻiston Pespublikasi Kengashida faoliyat koʻrsatgan fidoyilar mehnatlari toʻgʻrisida maʼlumotlar berib oʻtdi hamda yigʻilganlarni partiya tuzilganligining 25 yilligi bilan tabrikladi.

Pauaj Otarbayev oʻz soʻzida taʼkidlanganidek, partiyaning dasturiy maqsadlari necha yillar davomida davr sinovidan oʻtgan va ezgulik yoʻlida xizmat qiladigan jahon sotsial-demokratik tamoyillarining eng ezgu gʻoyalari bilan sugʻorilgan. Partiyaning asosiy shiorida koʻrsatilganidek, erkinlik bor joyda adolat bor, adolat bor joyda birdamlik bor, birdamlik bor joyda esa albatta, rivojlanishlar va yuksalishlar boʻlishi aniq.

Shundan soʻng partiyaning Qoraqalpogʻiston Pespublikasi Kengashi raisi Nurlibay Qaipbergenov Oʻzbekiston “Adolat” sotsial-demokratik partiyasining 25 yillik siyosiy hayotida oʻzining ahamiyatli oʻrniga ega boʻlgan partiya fidoyi aʼzosi, Xalq deputatlari Amudaryo tuman Kengashi deputati Ilxom Polvanov haqida samimiy fikrlarni bildirdi hamda “Adolat” koʻkrak nishonini tantanali ravishda topshirdi. Oʻ oʻz soʻzida Ilxom Polvanov ish faoliyati davomida qilgan samarali mehnati, jamoatchilik bilan mustahkam aloqa oʻrnata olganini, partiyaning rivoji uchun katta hissa qoʻshganini alohida eʼtirif etdi.

Shuningdek, tuman hokimi Sultonboy Yoʻldashev ham Ilhom Polvonovning tinib-tinchimas, shijoatli, oʻz ishiga masʼuliyat bilan yondashadigan xodim ekanligini taʼkidlab, unga koʻrsatilgan bunday eʼtibor va mukofot bilan samimiy tabrikladi. Oʻylaymizki, bunday ragʻbat hamda eʼtibor Ilhom Polvonovning kelgusidagi faoliyatida juda katta kuch hamda gʻayrat bagʻishlab, uni yangi marralar sari undaydi.

Tuman hokimligining axborot xizmati.