ЗАРАРЛИ ОРГАНИЗМЛАРДАН ХОЛИ ИССИҚХОНАЛАР ҚИШДА ҲАМ БОЗОРЛАРИМИЗНИ СИФАТЛИ САБЗАВОТ МАҲСУЛОТЛАРИ БИЛАН ТАЪМИНЛАЙДИ
Бугунги кунда қишлоқ хўжалигида амалга оширилаётган кенг кўламли ислоҳотлар натижасида деҳқон-фермерларимиз ердан унумли фойдаланиб, ундан мўл ва сифатли ҳосил олишга ҳаракат қилишмоқда. Жумладан, иссиқхоналарда турли сабзавот маҳсулотларини етиштириш ишлари самарали олиб борилмоқда.
Бу жараёнларда ўсимликларни зараркунанда ва касалликлардан ҳимоя қилиш алоҳида аҳамиятга эга. Чунки, иссиқхоналар ҳар қандай зараркунанда ва касалликларнинг тез тарқалиб, тез ривожланадиган маскани ҳисобланади. Шу боис, бугунги кунда Ўсимликлар карантини агроном-инспекторлари томонидан иссиқхоналарда карантин тадбирлари ўз вақтида узлуксиз равишда олиб борилмоқда.
Яқинда туманимиздаги “Манғит инвест Плюс” МЧЖга қарашли помидор экилган иссиқхона карантин кўригидан ўтказилди. 1 гектар майдонни эгаллаган мазкур иссиқхонада ҳозирги кунда помидор маҳсулоти пишиб етилиб, қўшни Қозоғистон Республикасига экспорт қилинмоқда.
Ўсимликларнинг зарарланишига бир нечта омиллар сабаб бўлиши мумкин. Масалан, тупроққа етарли даражада кимёвий ва техник ишлов берилмаса, тупроқнинг зарарланишига олиб келади. Бу эса ўсимликнинг ўсиб, ривожланишига салбий таъсир кўрсатади. Шунингдек, уруғ ва ниҳолларни танлаш ва экишга ҳам алоҳида аҳамият қаратиш зарур бўлган тартиб-қоидаларга амал қилиш сифатли маҳсулот етиштиришга замин яратади. Шунинг учун иссиқхона ичини профилактик кимёвий услубда карбофос препарати билан зарарсизлантириш бўйича тушунтириш ишларини юритмоқдамиз.
Соҳада олиб борилаётган мана шундай саъй-ҳаракатлар натижасида ҳудудда фитосанитар хавфсизлик таъминланмоқда. Зеро, ўсимликлар карантинига оид қоидалар ва талабларнинг ижроси қишлоқ хўжалиги маҳсулотларининг сифатини ва ҳосилдорлигини таъминлайди. Бунинг натижасида қишда ҳам бозорларимиз сифатли сабзавот маҳсулотлари билан тўла бўлади.
Равшанбек Ходжаев.
туман Ўсимликлар карантини агроном-инспектори
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
