Фан ойлиги – изланувчанликка чорлайди
Умумтаълим мактабларида мана бир неча йиллардан буён ҳар бир ўқув предмети бўйича фан ойликлари ўтказиб келинмоқда. Бундан дарс ва дарсдан ташқари ўтказиладиган тадбирларни таълим-тарбиядаги аҳамияти, ўқувчиларни мазкур фанга бўлган қизиқишларини ошириш, билим самарадорлигини кўтариш, ҳозирги замон фан ва техникаси ютуқлари билан доимо таништириб бориш каби мақсадлар кўзланади.
Фан ойликлари давомида ўқитувчи ва ўқувчининг ижодий ҳамкорлиги тарғиб этилади, фан бўйича ўқув-методик ишлар жонлантирилиб, ўқитувчилар ижодий фаолиятлари кучайтирилади. Изланувчан, ижодкор ўқитувчиларни аниқланади ва уларнинг тажрибаларини ўрганилиб, тарғибот қилинади, таълим жараёнида қўллаётган услублари такомиллаштирилади.
Фан ойлиги таълим муассасаларидаги ўқув-тарбия жараёнининг замонавий талаблар даражасида бўлишини таъминлаш, фан ўқитувчиларининг педагогик маҳоратини ошириш, уларнинг ижодий изланишлари ва меҳнатларини рўёбга чиқариш омили ҳамдир.
31-сонли умумий ўрта таълим мактабида мазкур ой давомида математика ва информатика фанлари ойлигига бағишланган тадбирлар қизғин тарзда ўтказилмоқда.
Мактабда самарали фаолият юритиб келаётган математика фанидан 6 нафар, информатика фанидан 2 нафар педагог-ўқитувчилар фан ойлиги давомида фаоллик кўрсатдилар. Шунингдек, математика фани хонаси зарур кўргазмали-дидактик материаллар билан жиҳозланди, ота-оналар билан мактабнинг ҳамкорлигини жонлантириш, уларни фандаги янгиликлар, таълим тизимидаги ўзгаришлар, ўқувчиларнинг ўзлаштириш ва билим самарадорлиги кўрсаткичлари билан таништириш кабиларга қаратилган қатор ишлар амалга оширилди. Ўқувчиларнинг фанга бўлган қизиқишларини янада орттириш мақсадида дарс жараёнида AКТ ни ва инновацион педтехнологияларни қўллаб очиқ дарслар ўтказилди. Айниқса, фанга оид деворий газеталар чиқарилиб, унда қизиқарли маълумотлар, интернет саҳифаларидан олинган фан янгиликлари ёритилиб борилгани ўқувчи ва ўқитувчиларга жуда манзур бўлди.
Математика фан ойлигида ўқувчилар билан синфдан ташқари вақтда уларнинг олган билим, кўникма ва малакаларини мустаҳкамлаш, фанга бўлган қизиқишларини ошириш мақсадида, бошланғич синфларда “Математика – фанлар шоҳи”, 5-синфлар орасида “Касрларнинг сеҳрли олами”, 6-синфлараро “Математика ва арифметика”, 7-синфларда “Қувноқ математика” каби қизиқарли мавзуларда тадбирлар ўтказилди.
Фан ойлиги давомида ўтказилган барча тадбирлар, ўқувчилардаги ижодий қобилиятни ривожлантириш, билимларини янада оширишда катта аҳамият касб этади.
Нилуфар Машарипова,
31-сонли мактабнинг 1-тоифали
математика фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
