Ҳоким чорвачиликка қизиқувчи ёшлар билан учрашди
Мамлакатимиз қишлоқ хўжалигининг асосий тармоқларидан бўлган чорвачиликнинг қадимий марказларидан бири. Pеспубликанинг тупроқ ва табиий иқлим шароитлари – унумдор суғориладиган ерлар, бепоён қир – адирлар, дашт – чўл ва тоғ олди яйловлари чорвачиликнинг ривожи учун қулай. Aҳолини озиқ-овқат билан мунтазам таъминлаб боришда қишлоқ хўжалиги маҳсулотларини кўпайтириш, шунингдек, маҳсулот ишлаб чиқариш ҳажмларини ошириш бугунги куннинг долзарб масалалардан бири ҳисобланади.
Туманимизда ҳам чорвачилик соҳаларининг янада ривожланишига катта эътибор қаратилмоқда. Туманда мавжуд чорва комплекслари янада ривожланиши учун барча шароитлар яратилиб, янги чорвачилик объектлари ҳам ташкил қилинмоқда.
Амударё тумани ҳокими Султонбой Йўлдашев тумандаги Aзамат Маткаримов раҳбарлигидаги “Aмударё соҳили” наслчилик хўжалигига ташриф буюрди. Наслчилик хўжалигида иш олиб бораётган 15 нафар ходимнинг 10 нафарини ёшлар ташкил қилади. Султонбой Йўлдашев ушбу чорва комплексининг ҳамда хўжаликда фаолият юритаётган ёшларнинг иш жараёнлари билан танишди. Шунингдек, учрашувда иштирок этган Тўлқин овулида яшовчи ёшларга мамлакатимизда чорвачилик тармоғининг ривожлантиришга қаратилаётган эътибор ҳамда ушбу соҳанинг сир-синоатлари ҳақида қизиқарли маълумотлар берилди.
Таъкидланганидек, чорвачилик тармоғини жадал ривожлантириш халқимизни арзон ва сифатли гўшт ва бошқа озиқ-овқат маҳсулотлари билан таъминлаш, айниқса, қишлоқ жойларида истиқомат қилаётган фуқароларнинг бандлигини ошириш ва даромадларини кўпайтиришда муҳим ўрин тутади.
Шу билан бирга, ҳудудлардаги ишларнинг ҳозирги ҳолати мазкур тармоқ корхоналарини қўллаб-қувватлаш, озуқа базасини кўпайтириш, наслчиликни яхшилаш, шу жумладан, сунъий уруғлантиришни ривожлантириш ва наслчилик хўжаликларининг моддий-техника базасини мустаҳкамлаш борасида аниқ комплекс чора-тадбирлар амалга ошириб келинмоқда.
Туманимиздаги “Aмударё соҳили” наслчилик хўжалиги 2012 йилда қурилиб, ўз фаолиятини бошлаган. Ушбу хўжалик 110 бош наслдор чорва молларини етиштиришга мўлжалланган бўлиб, шу кунгача туманимиз аҳолисини сифатли чорвачилик маҳсулотлари билан таъминлаб келмоқда. Ҳозирда чорва комплексида голштин зотли моллар мавжуд бўлиб, жорий йилнинг март ойида Eвропадан 200 бош сементал зотли моллар олиб келиш режалаштирилган.
Чорвачилик комплексига ташриф барчада, айниқса ёшларда ушбу соҳага бўлган қизиқишларининг янада ошишига хизмат қилди. Ўқувчи ёшлар соҳага оид бўлган барча саволларга жавоблар олдилар.
Чарос Aрслонова, туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
