КИТОБ – ҚАЛБГА ПОКЛИК БАҒИШЛОВЧИ НУР
Китоб – инсонни комиллик сари етаклашга хизмат қилади. У инсоннинг маънан юксалишига ва яширин истеъдодининг очилишига туртки бўлади. Китоб ўқиган инсоннинг дунёқарашли кенг, фикрлаш қобилияти теран ва тиниқ бўлади.
Гуруч курмаксиз бўлмаганидек, китоблар ҳам бари бир хил маънодор, қизиқарли эмас. Улар орасида енгил-елпи услубда ёзилган китоблар ҳам учрайди. Шундай китоблар борки, у китобни ўқиганинг сари ўқиб, ҳам уқиб бораверасан, ҳар гал ўқиганингда олам-олам маъно келиб чиқади. Муҳими, китоб танлашда адашмасликдир.
Китобнинг одамга фойдали томонлари жудаям кўп. Китоб мутолааси орқали инсон маънан бойиб, стрессдан қутулиши мумкин. Психологларнинг фикрига қараганда, мутолаа стресс ҳолатидан чиқишга 68 фоиз ёрдам берадиган биринчи ўриндаги ёрдамчи экан. Китоб бизга ҳар қандай вазиятда энг яхши дўст ва ҳамроҳ бўлади.
Бугунги кунда ёшларнинг китобга бўлган эътибори кучайди. Буни инобатга олган ҳолда юртимизда халқ кутубхоналари очилди. Қипчоқ ШФЙдаги халқ кутубхонаси 2018 йилнинг сентябрь ойидан ўз фаолиятини бошлаган эди. Кутубхона ҳар хил бадиий, тарихий, касбларга доир китоб ва газета-журналлар билан бойиди. Бугунги кунда унинг аъзолари 150 нафардан кўп.
Кутубхоналарнинг кўпайиши туфайли ёшлар ўртасида жиноятчиликлар, халқ орасидаги қонунбузарликлар камаяди. Китоб инсонларни эзгуликка чорлайди. У қалбларни поклайди, қалби пок инсонлар эса доим яхшиликлар қилади.
Қаршиға АЛИМБОЕВА,
Қипчоқ ШФЙ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
