Физик олимлар 76-сонли мактабда ўқитувчи ва ўқувчилар билан учрашув ўтказишди
Бутун мамлакатимизда муҳтарам Президентимизнинг ёшлар билан бўлган учрашувида белгиланган вазифаларнинг ижроси юзасидан “Янги Ўзбекистонни ёшлар билан бирга қурамиз!” шиори остида мутасадди раҳбарларнинг ёшлар билан учрашувлари бўлиб ўтмоқда.
Шу мақсадда ташриф буюрган ишчи гуруҳнинг учрашувларида билимга чанқоқ ёшлар томонидан билдирилган таклифларга кўра бир гуруҳ профессор-олимлар, академиклар туманимиздаги таълим муассасаларида маҳорат дарслари ҳамда ўқувчи-ёшлар билан учрашувлар ўтказишди. Шундай учрашувлардан бири туманимиздаги Халқ таълими бўлимига қарашли 76-сонли мактабда ҳам ташкил қилинди.
Учрашувга ЎзМУ қошидаги Нанотехналогияларни ривожлантириш маркази директори, академик Комил Муқимов, шу марказ катта илмий ходими Мустафо Бўронов, НДПИ физика ўқитиш методикаси кафедраси доценти Моядин Жалилов ҳамда Физика-математика факультети ёшлар билан ишлаш бўйича декан муовини Холмурод Есемуродовлар ташриф буюришди. Унда тумандаги мактабларда аниқ фанлардан таълим бериб келаётган ўқитувчилар ҳамда фанга қизиқувчи ўқувчилар иштирок этдилар.
Учрашувда меҳмонлар дастлаб ўзлари фаолият олиб бораётган соҳа, амалга оширилаётган ислоҳотлар, қўлга киритилаётган ютуқлар хусусида сўзлаб беришди.
Дарҳақиқат, ҳаётимизга дадил кириб келаётган нанотехнология тушунчаси жамиятимиз тараққиётини янада жадаллаштириш, турмушимиз фаровонлигини ошириш, ҳаётимизда ўз ечимини кутаётган екологик, ижтимоий ва бошқа муаммоларни бартараф етишда муҳим аҳамият касб етмоқда. Чунки илм-фаннинг бундай кашфиётлари ноёб хусусиятларга эга янги метаматериаллар ва екстремал шароитларга чидамли наноматериаллар олиш ва уларни татбиқ етишга хизмат қилади. Шу боис, жаҳонда нанотехнологик тадқиқотлар кўламини кенгайтириш ва бу борадаги инновацион технологиялардан тобора кенг фойдаланишга эътибор кучайиб бормоқда. Масалан, компютер технологиялари соҳасида олиб борилаётган изланишлар натижасида квант информатикаси фани юзага келди. Ушбу соҳа нано ўлчамли процессорларга ега бўлган квант компьютерларини яратиш ва улар учун дастурлар ишлаб чиқишни ўз ичига олади.
Баҳс-мунозарага бой бўлган ва очиқ мулоқот тарзида ўтган учрашув илм-фанга қизиқувчан ўқувчилар, физика фани ўқитувчиларининг берган саволлари билан янада жонланди. Айниқса, ўз касбига меҳри баланд, фанни янада чуқурроқ ўрганишга астойдил интилаётган физика фани ўқитувчилардан Ваҳобжон Давлетов, Aзизбек Жуманов, Пўлат Aбдураҳмоновлар ўзларини қизиқтирган саволлар билан мурожаат қилиб, кўплаб маълумотларга эга бўлдилар. Илм-фан фидойилари, олимлар ҳам берилган саволларга ҳаётий мисоллар билан жавоб бердилар.
Меҳмонлар мактаб кутубхонасига турли мавзулардаги китоблар совға қилдилар.Учрашув ўқитувчи ва ўқувчиларда катта таассурот қолдирди.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
