ТАРИХ ФАНИ ОЙЛИГИ – ЎҚУВЧИ-ЁШЛАРНИ ВАТАНПАРВАРЛИК РУҲИДА ТАРБИЯЛАШГА КЎМАКЛАШАДИ
Ўз Ватани тарихини билмаган инсон ҳеч қачон дунё халқлари ҳақидаги тушунчага эга бўла олмайди. Ўзи туғилган замин ҳақида зарур билимга эга бўлмай туриб, ўзликни англаш мушкулдир. Чунки она Ватан тарихи халқимизнинг миллий-маданий, ижтимоий-сиёсий, иқтисодий ва маънавий илдизларининг илмий-назарий асоси ҳисобланади.
Мустақиллик даврида Ўзбекистон тарихи тамоман янгиландигина эмас, йиллар давомида мустабидлик қолипларига солиниб, талқин этилган буюк ва бетимсол тарихимиз қайта тикланди, боқий тарихий илдизлар янада мустаҳкамланди. Бугунги кунда умумтаълим мактабларининг ўқувчи-ёшлари ҳақиқий Ўзбекистон тарихи саҳифаларини мароқ билан ўзлаштирмоқдалар.
Айни кунларда умумтаълим мактабларида тарих фани ойлиги катта қизиқиш ва кўтаринкилик билан ўтказилмоқда. Фан ойлиги доирасида ўтказилаётган тадбирларда ўқувчи-ёшлар қалбида ўзлигимизни англаш, она Ватанга муҳаббат туйғулари янада мустаҳкамланмоқда.
17 январь куни 16-сонли умумтаълим мактабининг 9”А”-синфида тарих фани ойлиги доирасида бўлиб ўтган тадбирда ўқувчи-ёшлар ўзларининг Ватан тарихи билимдонлари эканликларини намоён этдилар.
Тадбирда иқтидорли тарих фани ўқитувчиси Зоиржон Илҳомов томонидан “Туркистонда миллий озодлик ҳаракатининг бошланиши ва унинг сабаблари” мавзусида намунали дарс ташкил этилиб, мазкур дарснинг таълимий-тарбиявий аҳамиятига алоҳида эътибор берилиб, ўқувчилар фикрини ривожлантирувчи фанга доир ва таянч компетенциялардан унумли фойдаланилди. Умумий бешта қисмдан иборат намунали дарс жараёнида аралаш дарс тури қўлланилди. Заковатни чархлаш, яъни оғзаки ва ёзма услублар танланди. “Марра томон олға!” ўйини орқали ўқувчиларнинг билимлари синовдан ўтказилди.
“Кичик маъруза”, “Пиза тест”лар ўтказилиб, ўқувчи-ёшларнинг дарс жиҳозларидан қай даражада фойдаланишларига алоҳида аҳамият қаратилди.
Бешта қисмдан иборат бир соатлик дарс тадбири жараёнида ўқувчилар нафақат аввалги дарсда уйга берилган вазифа, балки янги мавзу ва уйга бериладиган янги вазифа бўйича режа ва топшириқлар ҳақида тўлиқ маълумотга эга бўлдилар.
Тарих фани ойлиги доирасида мактабнинг тарих фани ўқитувчиси Зоиржон Илҳомов томонидан ўтказилган мазкур намунали дарс тадбири ўқувчи-ёшларда “Туркистонда миллий озодлик ҳаракатининг бошланиши ва унинг сабаблари” тўғрисида тўлиқ тушунчалар ҳосил бўлишида ҳамда мазкур дарсни катта қизиқиш билан ўзлаштиришларида муҳим омил бўлди. Шу баробарида ўқувчи-ёшларнинг она Ватанимиз тарихини мукаммал ўрганиш истагини янада мустаҳкамлади.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
