ВАТАН ҲИМОЯСИ – МУҚАДДАС БУРЧ
Ватан – бу киндик қонимиз тўкилган, туғилиб ўсган жойимиз. Ота-боболаримиз беватан одам иймонсиз одам, ўзга юртнинг боғ-у боғчаси ўз юртингнинг янтоғича бўлолмас, деб бежиз айтишмаган.
1993 йилнинг 29 декабрида илк бор 14 январь – Ватан ҳимоячилари куни, деб эълон қилинди. Мана 27 йилдан буён Миллий армиямиз бизнинг мустақиллигимизни асраб, тинчлигимизни таъминлаб келмоқда. Ҳаётини Ватан ҳимоясига бахшида этган юртдошларимиз ўз оиласидан йироқда, давлатимизнинг чегара ҳудудларида бурчига содиқ бўлиб, тинч-осойишталигимизни сергаклик билан қўриқлашмоқда.
Зеро, бу борадаги ҳуқуқ ва мажбуриятлар Ўзбекистон Республикаси Конституциясидаги “Фуқароларнинг бурчлари” деб номланган XI бобда келтириб ўтилган. Жумладан, ушбу бобнинг 52-моддасида “Ўзбекистон Республикасини ҳимоя қилиш - Ўзбекистон Республикаси ҳар бир фуқаросининг бурчидир. Фуқаролар қонунда белгиланган тартибда ҳарбий ёки муқобил хизматни ўташга мажбурдирлар” деб кўрсатилган. Шунингдек, 47-моддасида эса “Барча фуқаролар Конституцияда белгилаб қўйилган бурчларни бажарадилар” дейилган. Шундай экан, мамлакатимизнинг ҳар бир фуқароси тинчликни таъминлашга, мустақиллигимизни асраб-авайлашга, маънавий ва моддий бойликларни кейинги авлодларга етказиб беришга масъул ҳисобланади.
Биз ҳар биримиз Ўзбекистондай обод юртда яшаётганимиздан фахрлансак арзийди. Шу билан бирга ҳар биримиз Ўзбекистон тараққиёти учун сидқидилдан хизмат қилишимиз керак. Бу ҳар биримизнинг Ватан олдидаги муқаддас бурчимиздир.
Ҳайтбой ҚУТЛИМУРОДОВ, 12-сонли мактабнинг миллий истиқлол ғояси, ҳуқуқ ва маънавият асослари фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
