ТУМАНИМИЗ ВАКИЛЛАPИ ХАЛҚАPО АКЦИЯ ҒОЛИБЛАPИ БЎЛИШДИ
Ҳар йили бутун дунёда Бирлашган Миллатлар Ташкилоти ташаббуси билан 25 ноябрдан 10 декабргача “Хотин – қизларга нисбатан зўравонликка қарши 16 кун “ халқаро акция ўтказилиши анъанага айланиб қолган. Мамлакатимизда ҳам Ўзбекистон Хотин қизлар қўмитаси, Фуқароларнинг ўзини ўзи бошқариш органлари фаолиятини мувофиқлаштириш бўйича республика Кенгаши, Бирлашган Миллатлар Ташкилоти Аҳолишунослик жамғармасининг Ўзбекистондаги Ваколатхонаси ҳамкорлигида 2019 йил 25 ноябрдан 10 декабри оралиғида “Хотин - қизларга нисбатан зўравонликка қарши 16 кун” халқаро акцияси ўтказилди. Акция доирасида кўзда тутилганидек, мамлакат бўйлаб барча овул ва маҳаллалар фуқаролар йиғинлари раислари ҳамда маҳаллалардаги хотин - қизлар билан ишлаш ва оилаларда маънавий - ахлоқий қадриятларни мустаҳкамлаш бўйича мутахассисларининг хотин - қизлар ҳуқуқларини таъминлаш, зўравонликка қарши курашиш ва ижтимоий ҳимояга муҳтож оилалар билан ишлашга оид билимларини мустаҳкамлаш, уларнинг қўшимча билим ва кўникмаларга эҳтиёжини баҳолаш мақсадида On-Line тест жараёнлари ташкил этилди.
Бу муҳим тадбирда туманимиз овул ва маҳаллалари раислари ва хотин -қизлар қўмитасининг маҳаллалардаги мутахассислари ҳам фаол иштирок этдилар. Улар бир соат мобайнида Интернетдан узилмаслик техник талабига амал қилган ҳолда истаган ҳудудларида туриб тест жараёнларида қатнашиб, белгиланган муддатда, берилган 60 та саволларга жавоб беришга ҳаракат қилишди. Натижаларга кўра, туманимизнинг Чойкўл овул фуқаролар йиғини раиси Яхшимурод Аҳмедов, шу овул таркибидаги Босув маҳалла фуқаролар йиғини хотин -қизлар билан ишлаш ва оилаларда маънавий -ахлоқий қадриятларни мустаҳкамлаш бўйича мутахассиси Дилфуза Абдуллаевалар тест синовларида энг юқори балл тўплаб, ғолиблар сафидан жой олдилар.
Шуниси эътиборлики, ушбу синовга қамраб олинган 20 минг нафарга яқин иштирокчилар ичидан ҳар бир маъмурий ҳудудлардан 2 нафардан, яъни бир нафар маҳалла раиси ва 1 нафар хотин –қизлар билан ишлайдиган мутахассис , жами 28 нафар иштирокчилар ташкилотчилар томонидан рағбатлантиришга лойиқ топилган бўлса, Қорақалпоғистоннинг икки ғолиби ҳам туманимиз вакилларидир.
Шу йилнинг 10 декабрида Тошкент шаҳрида On-Line тест ғолибларини тақдирлаш маросими бўлиб ўтди. Маросимда Яхшимурод Аҳмедов ва Дилфуза Абдуллаевалар қатнашиб, ташкилотчилар томонидан махсус диплом ва қимматбаҳо совғалар билан рағбатлантирилди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
