TUMANIMIZ VAKILLAPI XALQAPO AKTsIYa GʻOLIBLAPI BOʻLIShDI

Har yili butun dunyoda Birlashgan Millatlar Tashkiloti tashabbusi bilan 25-noyabrdan 10-dekabrgacha “Xotin – qizlarga nisbatan zoʻravonlikka qarshi 16 kun “ xalqaro aktsiya oʻtkazilishi anʼanaga aylanib qolgan. Mamlakatimizda ham Oʻzbekiston Xotin qizlar qoʻmitasi, Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika Kengashi, Birlashgan Millatlar Tashkiloti Aholishunoslik jamgʻarmasining Oʻzbekistondagi Vakolatxonasi hamkorligida 2019-yil 25-noyabrdan 10-dekabri oraligʻida “Xotin - qizlarga nisbatan zoʻravonlikka qarshi 16 kun” xalqaro aktsiyasi oʻtkazildi. Aktsiya doirasida koʻzda tutilganidek, mamlakat boʻylab barcha ovul va mahallalar fuqarolar yigʻinlari raislari hamda mahallalardagi xotin - qizlar bilan ishlash va oilalarda maʼnaviy - axloqiy qadriyatlarni mustahkamlash boʻyicha mutaxassislarining xotin - qizlar huquqlarini taʼminlash, zoʻravonlikka qarshi kurashish va ijtimoiy himoyaga muhtoj oilalar bilan ishlashga oid bilimlarini mustahkamlash, ularning qoʻshimcha bilim va koʻnikmalarga ehtiyojini baholash maqsadida On-Line test jarayonlari tashkil etildi.

Bu muhim tadbirda tumanimiz ovul va mahallalari raislari va xotin -qizlar qoʻmitasining mahallalardagi mutaxassislari ham faol ishtirok etdilar. Ular bir soat mobaynida Internetdan uzilmaslik texnik talabiga amal qilgan holda istagan hududlarida turib test jarayonlarida qatnashib, belgilangan muddatda, berilgan 60 ta savollarga javob berishga harakat qilishdi. Natijalarga koʻra, tumanimizning Choykoʻl ovul fuqarolar yigʻini raisi Yaxshimurod Ahmedov, shu ovul tarkibidagi Bosuv mahalla fuqarolar yigʻini xotin -qizlar bilan ishlash va oilalarda maʼnaviy -axloqiy qadriyatlarni mustahkamlash boʻyicha mutaxassisi Dilfuza Abdullayevalar test sinovlarida eng yuqori ball toʻplab, gʻoliblar safidan joy oldilar.

Shunisi eʼtiborliki, ushbu sinovga qamrab olingan 20 ming nafarga yaqin ishtirokchilar ichidan har bir maʼmuriy hududlardan 2 nafardan, yaʼni bir nafar mahalla raisi va 1 nafar xotin –qizlar bilan ishlaydigan mutaxassis , jami 28 nafar ishtirokchilar tashkilotchilar tomonidan ragʻbatlantirishga loyiq topilgan boʻlsa, Qoraqalpogʻistonning ikki gʻolibi ham tumanimiz vakillaridir.

Shu yilning 10-dekabrida Toshkent shahrida On-Line test gʻoliblarini taqdirlash marosimi boʻlib oʻtdi. Marosimda Yaxshimurod Ahmedov va Dilfuza Abdullayevalar qatnashib, tashkilotchilar tomonidan maxsus diplom va qimmatbaho sovgʻalar bilan ragʻbatlantirildi.