КОНСТИТУЦИЯ - ФАРОВОН ҲАЁТИМИЗ ПОЙДЕВОРИ
Жорий йил 8 декабрда Ўзбекистон Республикаси Конституцияси қабул қилинганлигининг 27 йиллиги нишонланади.
8 декабрь ҳалқимиз учун мустақил тараққиёт йўлини белгилаб, миллий давлатчилик, янги сиёсий-ижтимоий тизим барпо этиш, демократик давлат ва фуқаролик жамияти қуришнинг ҳуқуқий пойдеворини яратиб берган муҳим саналардан ҳисобланади.
Конституция ўтган йиллар мобайнида мамлакатимизнинг инсон, унинг ҳуқуқлари, манфаат ва эркинликларини ҳақиқий қадрият деб биладиган мустақил ва суверен давлатга айланишида асосий дастур бўлди.
Конституция хуқуқий давлатнинг асосий белгиси ҳисобланади. Унда жамиятнинг ижтимоий-сиёсий ўзгачалиги, ривожланишнинг асосий белгилари, давлатнинг ички ва ташқи сиёсатидаги асосий йўналишлари ўз ифодасини топган.
Бош Қомусимизнинг 2-моддасида: “Давлат халқ иродасини ифода этиб, унинг манфаатларига хизмат қилади. Давлат органлари ва мансабдор шахслар жамият ва фуқаролар олдида масъулдирлар” деб белгилаб қўйилган.
Ўзбекистон Республикаси Президентининг 2017 йил 12 декабрдаги ПФ-5278-сонли Фармони бандларида ҳам давлат хизматлари кўрсатиш соҳасида уларнинг сифати, тезкорлиги, шаффофлиги ва фойдаланиш имкониятини тубдан ошириш орқали «Халқ давлат идораларига эмас, давлат идоралари халқимизга хизмат қилиши керак» деган улуғвор ғояни сўзсиз амалга ошириш белгиланган.
Бош Қомусимиз тарихимиз, бой маънавий меросимизни тиклаш, мамлакатимизда обод ва фаровон ҳаёт қуриш, Ватанимизни тараққий топган демократик давлатлар қаторига қўшишда муҳим пойдевор бўлди.
Ўзбекистон Республикаси Конституцияси юртимизда юз бераётган сиёсий янгиланишлар, улкан ислоҳотлар амалга оширилиши ҳамда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини ҳаётга тадбиқ этишда муҳим аҳамиятга эгадир.
Юртимиз фаровон турмушининг ривожида Конституциянинг аҳамияти тобора ортиб бормоқда.
Ўктам Гафуров, туман Давлат хизматлари
маркази бош мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
