“Камалак юлдузлари” болалар ижодиёти фестивалининг туман босқичи ўтказилди

Ҳар йили анъанавий тарзда, танлов шаклида ўтказиладиган “Камалак юлдузлари” Pеспублика болалар ижодиёти фестивалининг асосий мақсади  иқтидорли болаларни аниқлаш, уларнинг истеъдодларини намоён қилишларига имконият яратиш ва қўллаб-қувватлаш, ёш авлоднинг маданий савиясини юксалтириш, уларнинг маънавий оламини бойитиш, саънат ва гўзалликка интилишини кучайтириш, миллий санъат анъаналари ва йўналишларини сақлаб қолиш, ривожлантириш ва давом эттириш ҳамда  иқтидорли болаларнинг ижоди, ташаббусларини кенг оммага айниқса, ёшлар орасида тарғиб этиш, ҳаваскор ва профессионал жамоаларнинг ижодий фаолиятини рағбатлантиришдир.

Яқинда Ўзбекистон ёшлар иттифоқи Амударё туман Кенгаши қошидаги “Камалак” болалар ташкилоти, туман Халқ таълими бўлими ҳамда туман Маданият бўлими ҳамкорлигида “Камалак юлдузлари” Pеспублика болалар ижодиёти фестивалининг туман босқичи  бўлиб ўтди.

Фестивалнинг туман босқичида 6 ёшдан 15 ёшгача бўлган  426 нафар ижодкор ва иқтидорли болалар иштирок этишди ҳамда  ўз истеъдод ва қобилиятларини  6 та йўналиш бўйича синовдан ўтказишди.

Фестивалнинг «А» гуруҳида классика – фортепиано, торли-камонли, дамли ва зарбли чолғу асбоблари, «В» гуруҳида Вокал – миллий ва академик ижро, эстрада, фольклор ҳамда хор гуруҳлари, «С» гуруҳида Халқ чолғулари – камонли, дамли ва зарбли чолғу асбоблари, «D» гуруҳида Pақс – миллий ҳамда замонавий рақслар, «Е» гуруҳида Тасвирий ва амалий санъат, жумладан, тасвирий санъатнинг графика, рангтасвир, натюрморт, либослар дизайни йўналишлари, амалий санъатнинг эса ҳайкалтарошлик, кулолчилик, зардўзлик, қуроқчилик, гиламдўзлик, бисер тўқиш, юмшоқ ўйинчоқсозлик, наққошлик, каштачилик, ёғоч ўймакорлиги йўналишлари бўйича болаларнинг иқтидор ва қобилиятлари синовдан ўтказилди. «F» гуруҳида эса наср ва назм, яъни шеър, ғазал, достон каби назм, шунингдек, ҳикоя, эртак каби наср йўналишларида иштирокчиларнинг истеъдодлари синовдан ўтказилди.

Фестивалнинг А, Б, С ҳамда Д гуруҳи йўналишлари бўйича танловлар 9-сонли болалар мусиқа ва санъат мактабида, Е ва F гуруҳи йўналишлари бўйича танловлар эса 16-сонли умумтаълим мактабида ўтказилди.

Фестивал якунига кўра танловда ўз истеъдодларини синовдан ўтказган иштрокчилардан 32 нафари энг қобилиятли деб топилди ва танловнинг Қароқалпоғистон Pеспублика босқичига йўлланма олди.

Ғолиблар Ўзбекистон ёшлар иттифоқи Амударё тумани Кенгаши томонидан диплом ҳамда эсдалик совғалари билан тақдирланди.

Ирода Эрдошева, жамоатчи мухбир