“Kamalak yulduzlari” bolalar ijodiyoti festivalining tuman bosqichi oʻtkazildi

Har yili anʼanaviy tarzda, tanlov shaklida oʻtkaziladigan “Kamalak yulduzlari” Pespublika bolalar ijodiyoti festivalining asosiy maqsadi  iqtidorli bolalarni aniqlash, ularning isteʼdodlarini namoyon qilishlariga imkoniyat yaratish va qoʻllab-quvvatlash, yosh avlodning madaniy saviyasini yuksaltirish, ularning maʼnaviy olamini boyitish, saʼnat va goʻzallikka intilishini kuchaytirish, milliy sanʼat anʼanalari va yoʻnalishlarini saqlab qolish, rivojlantirish va davom ettirish hamda  iqtidorli bolalarning ijodi, tashabbuslarini keng ommaga ayniqsa, yoshlar orasida targʻib etish, havaskor va professional jamoalarning ijodiy faoliyatini ragʻbatlantirishdir.

Yaqinda Oʻzbekiston yoshlar ittifoqi Amudaryo tuman Kengashi qoshidagi “Kamalak” bolalar tashkiloti, tuman Xalq taʼlimi boʻlimi hamda tuman Madaniyat boʻlimi hamkorligida “Kamalak yulduzlari” Pespublika bolalar ijodiyoti festivalining tuman bosqichi  boʻlib oʻtdi.

Festivalning tuman bosqichida 6 yoshdan 15 yoshgacha boʻlgan  426 nafar ijodkor va iqtidorli bolalar ishtirok etishdi hamda  oʻz isteʼdod va qobiliyatlarini  6 ta yoʻnalish boʻyicha sinovdan oʻtkazishdi.

Festivalning «A» guruhida klassika – fortepiano, torli-kamonli, damli va zarbli cholgʻu asboblari, «V» guruhida Vokal – milliy va akademik ijro, estrada, folklor hamda xor guruhlari, «S» guruhida Xalq cholgʻulari – kamonli, damli va zarbli cholgʻu asboblari, «D» guruhida Paqs – milliy hamda zamonaviy raqslar, «Ye» guruhida Tasviriy va amaliy sanʼat, jumladan, tasviriy sanʼatning grafika, rangtasvir, natyurmort, liboslar dizayni yoʻnalishlari, amaliy sanʼatning esa haykaltaroshlik, kulolchilik, zardoʻzlik, quroqchilik, gilamdoʻzlik, biser toʻqish, yumshoq oʻyinchoqsozlik, naqqoshlik, kashtachilik, yogʻoch oʻymakorligi yoʻnalishlari boʻyicha bolalarning iqtidor va qobiliyatlari sinovdan oʻtkazildi. «F» guruhida esa nasr va nazm, yaʼni sheʼr, gʻazal, doston kabi nazm, shuningdek, hikoya, ertak kabi nasr yoʻnalishlarida ishtirokchilarning isteʼdodlari sinovdan oʻtkazildi.

Festivalning A, B, S hamda D guruhi yoʻnalishlari boʻyicha tanlovlar 9-sonli bolalar musiqa va sanʼat maktabida, Ye va F guruhi yoʻnalishlari boʻyicha tanlovlar esa 16-sonli umumtaʼlim maktabida oʻtkazildi.

Festival yakuniga koʻra tanlovda oʻz isteʼdodlarini sinovdan oʻtkazgan ishtrokchilardan 32 nafari eng qobiliyatli deb topildi va tanlovning Qaroqalpogʻiston Pespublika bosqichiga yoʻllanma oldi.

Gʻoliblar Oʻzbekiston yoshlar ittifoqi Amudaryo tumani Kengashi tomonidan diplom hamda esdalik sovgʻalari bilan taqdirlandi.

Iroda Erdosheva, jamoatchi muxbir