87-сонли ихтисослаштирилган давлат умумтаълим мактабида тил байрами муносабати билан тадбир ўтказилди
Тил - инсон қиёфаси ва ички гўзаллигини намоён этувчи кўзгудир. Ўз тилига меҳр-муҳуббатли инсон халқини, Ватанини, миллий қадриятларини, маданий меросини ҳам эъзозлайди.
1989-йил 21 октябрь куни Ўзбек тилига давлат тили мақомининг берилиши истиқлолга эришиш йўлидаги энг мухим қадамлардан бири бўлди. Зеро, Ватанимиз мустақилликка эришгач, она тилимиз ўзининг хақиқий ўрни ва мавқеини топди. Ўзбекистон Республикаси Конституциясида давлат тилининг мақоми хуқуқий жихатдан мустахкамлаб қўйилди. Ўзбекистон Республикасининг "Давлат тили ҳақида"ги қонунининг қабул қилиниши она тилимизнинг тараққиёти, ривожланиши ҳамда ўзига хос ва бой бисотини намойиш этишга кенг имконият яратди.
Бугун ўзбек тилига давлат тили мақоми берилганига 30 йил тўлди. Ушбу сана бутун Республикамизда кенг миқёсда нишонланмоқда.
Туманимиздаги 87-сонли ихтисослаштирилган давлат умумтаълим мактабида ҳам сана муносабати ҳамда “октябрь – она тили ва адабиёти фани ойлиги” доирасида “Она тилим” номли байрам-тадбири бўлиб ўтди. Она тили ва адабиёт фани ўқитувчилари Сайёра Ботирова ва Сайёра Саъдуллаевалар тайёрлаган ушбу тадбирда ўқувчилар она тилмизнинг тарихи ва ўрганилиши, ўзига хос хусусиятлари, истиқлол шарофати билан тилимизга, унинг сайқал топишига бўлган эътиборнинг янада ортгани ҳақидаги саҳна кўринишлари ва турли хил чиқишлар қилишди. Тадбир давомида она тилимиз мадҳ этилган гўзал шеърлар, ҳикматли сўзлар ва куй-қўшиқлар янгради.Ҳозирги кунда 87-сонли умумтаълим мактабида 293 нафар ўқувчи, шундан 155 нафар қиз ва 138 нафар ўғил болалар таълим-тарбия олмоқда. Ўсиб келаётган ёш авлодга она тилини пухта ўргатиш, уларни тилимизга ҳурмат руҳида тарбиялаш ва бу борадаги билимларини мустаҳкамлаш ҳамда иқтидорини юзага чиқариш ўқитувчиларнинг масъулиятли бурчидир.
Тил маданият кўзгуси ва руҳимизнинг қаноти. Биз она тилимиз орқали халқлар, миллат ва элатлар орасида ҳамиша азиз-у мукаррам эканлигимизни асло унутмаслигимиз керак. Ўзбекона лутф, муомала, миллий қадриятлар, одоб-ахлоқ эса она тилимиз маданиятининг калитидир.
Ирода Эрдошева
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
