87-sonli ixtisoslashtirilgan davlat umumtaʼlim maktabida til bayrami munosabati bilan tadbir oʻtkazildi

Til - inson qiyofasi va ichki goʻzalligini namoyon etuvchi koʻzgudir. Oʻz tiliga mehr-muhubbatli inson xalqini, Vatanini, milliy qadriyatlarini, madaniy merosini ham eʼzozlaydi.

1989-yil 21-oktyabr kuni Oʻzbek tiliga davlat tili maqomining  berilishi istiqlolga erishish yoʻlidagi eng muxim qadamlardan biri  boʻldi. Zero, Vatanimiz mustaqillikka erishgach, ona tilimiz oʻzining xaqiqiy oʻrni va mavqeini topdi. Oʻzbekiston Respublikasi Konstitutsiyasida davlat tilining maqomi xuquqiy jixatdan mustaxkamlab qoʻyildi. Oʻzbekiston Respublikasining "Davlat tili haqida"gi qonunining qabul qilinishi ona tilimizning taraqqiyoti, rivojlanishi hamda oʻziga xos va boy bisotini namoyish etishga keng imkoniyat yaratdi.

Bugun oʻzbek tiliga davlat tili maqomi berilganiga 30-yil toʻldi.  Ushbu sana butun Respublikamizda keng miqyosda nishonlanmoqda.

Tumanimizdagi 87-sonli ixtisoslashtirilgan davlat umumtaʼlim maktabida ham sana munosabati hamda “oktyabr – ona tili va  adabiyoti fani oyligi”  doirasida  “Ona tilim” nomli bayram-tadbiri boʻlib oʻtdi. Ona tili va adabiyot fani oʻqituvchilari  Sayyora Botirova va Sayyora Saʼdullayevalar tayyorlagan ushbu tadbirda oʻquvchilar ona tilmizning tarixi va oʻrganilishi, oʻziga xos xususiyatlari,  istiqlol sharofati bilan tilimizga, uning sayqal topishiga boʻlgan eʼtiborning  yanada ortgani  haqidagi sahna koʻrinishlari va turli xil chiqishlar qilishdi. Tadbir davomida ona tilimiz  madh etilgan goʻzal sheʼrlar, hikmatli soʻzlar va kuy-qoʻshiqlar yangradi.Hozirgi kunda 87-sonli umumtaʼlim maktabida 293  nafar oʻquvchi, shundan 155 nafar qiz va 138 nafar oʻgʻil bolalar taʼlim-tarbiya olmoqda. Oʻsib kelayotgan yosh avlodga ona tilini puxta oʻrgatish, ularni tilimizga hurmat ruhida tarbiyalash va bu boradagi bilimlarini mustahkamlash hamda iqtidorini yuzaga chiqarish oʻqituvchilarning masʼuliyatli burchidir.

Til madaniyat koʻzgusi va ruhimizning qanoti. Biz ona tilimiz orqali xalqlar, millat va elatlar orasida hamisha aziz-u mukarram ekanligimizni aslo unutmasligimiz kerak. Oʻzbekona lutf, muomala, milliy qadriyatlar, odob-axloq esa ona tilimiz madaniyatining kalitidir.

Iroda Erdosheva