МУСТАҚИЛЛИК БАЙPАМИ ОЛДИДАН САВДО ЯPМАPКАСИ ФАОЛИЯТИ ЙЎЛГА ҚЎЙИЛДИ
Мамлакатимиз аҳолисини кундалик истеъмоли учун зарур бўлган ижтимоий аҳамиятга эга 27 турдаги озиқ-овқат маҳсулотлари бўйича жон бошига белгиланган меъёрлардаги маҳсулотлар, шунингдек, арзон, сифатли қишлоқ хўжалик маҳсулотлари билан узлуксиз таъминлашга ва нарх-наво барқарорлигини сақлашга алоҳида эътибор қаратилмоқда. Шу мақсадда тегишли вазирликлар туман ҳокимликлари ҳамкорлигида аҳоли сонидан келиб чиқиб, кундалик эҳтиёжга зарур озиқ-овқат ҳамда қишлоқ хўжалик маҳсулотлари етиштирилиши параметрлари ишлаб чиқилиб, бозорларда сотилиши назорат қилинаяпти, нархларнинг барқарорлигини сақлаш чоралари кўрилаяпти. Бунинг учун деҳқон хўжаликлари ва томорқа ерлардан унумли фойдаланиш ва маҳсулот етиштиришни кўпайтиришга эътибор кучаймоқда.
Ўзбекистон Республикаси Вазирлар Маҳкамасининг 2018 йил 18 апрелдаги йиғилиш баёнини инобатга олган ҳолда “Қорақалпоғистон Республикаси аҳолисининг ижтимоий аҳамиятга эга озиқ-овқат ва қишлоқ хўжалиги маҳсулотларига бўлган эҳтиёжини ҳамда нарх-наво барқарорлигини таъминлаш тўғрисида”ги Қорақалпоғистон Республикаси Вазирлар Кенгаши қарорига мувофиқ айни кунларда туманимиздаги Манғит деҳқон бозорида озиқ-овқат ва қишлоқ хўжалиги маҳсулотлари фермер, деҳқон ҳамда шахсий томорқа ер эгаларидан тўғридан-тўғри, қўлма-қўл ўтиб, баҳоси ўсишига йўл қўйилмасдан сотилиши устидан назорат ўрнатилди. Бозорда санитария, ветеринария қоидаларига риоя этилиши, тозалик, маҳсулотларнинг сифати, истеъмолга яроқлилигини ўрганиш доимий олиб борилаяпти. Бу борада туман Давлат санитария-эпидемология назорати маркази ва туман Ветеринария бўлими билан ҳамкорликда иш олиб борилмоқда.
Шунингдек, туман давлат Солиқ инспекцияси билан биргаликда бозор ҳудудида давлат рўйхатидан ўтмасдан, ноқонуний олиб сотарлик билан шуғулланаётган шахслар аниқланиб, белгиланган тартибда давлат рўйхатидан ўтказилиб, белгиланган солиқ ва бошқа мажбурий тўловлар ҳисобланиб ундирилмоқда, нархларнинг ўсишига олиб келадиган омиллар бирма-бир ўрганилиб, бартараф этиш чоралари кўрилмоқда.
Айни кунда халқимизнинг Мустақиллик байрамини муносиб кутиб олишларини, ҳамда янги ўқув йили олдидан мактаб ўқувчиларини сифатли ўқув қуроллари, мактаб формаси билан таъминлаш мақсадида Манғит деҳқон бозори олдида савдо ярмаркаси ташкил этилди.
Шу йил 9 августдан ўз фаолиятини бошлаган ярмарканинг 20 та савдо ўрнида 27 турдаги ижтимоий аҳамиятга эга бўлган озиқ-овқат ва қишлоқ хўжалиги маҳсулотлари арзон нархларда сотилаяпти. Бундан ташқари, янги ўқув йили олдидан мактаб ўқувчиларини сифатли ўқув қуроллари, мактаб формаси билан таъминлаш мақсадида мактаб бозори ташкил этилган. Бу ердаги 32 та савдо ўрнида ўқувчи қизлар, ўғил болалар мактаб формаси, ўқув қуроллари савдоси йўлга қўйилган.
Савдо ярмаркаси сотувчилар ва харидорлар учун қулай шароит яратиш мақсадида бостирма қилиниб, пештахта қўйилди. Ушбу савдо ўринларида ва бозорда нархларнинг барқарорлигини таъминлаш мақсадида доимий назорат олиб бораяпмиз. Бу билан юртдошларимизнинг кундалик ҳаётидаги зарур бўлган озиқ-овқат ва қишлоқ хўжалиги маҳсулотларига бўлган эҳтиёжлари қопланишига ва аҳоли орасида байрамона шукуҳни оширишга ўз ҳиссамизни қўшаяпмиз.
Зафар САБУРОВ, Департаментнинг
туман бўлими бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
