MUSTAQILLIK BAYPAMI OLDIDAN SAVDO YaPMAPKASI FAOLIYaTI YOʻLGA QOʻYILDI
Mamlakatimiz aholisini kundalik isteʼmoli uchun zarur boʻlgan ijtimoiy ahamiyatga ega 27 turdagi oziq-ovqat mahsulotlari boʻyicha jon boshiga belgilangan meʼyorlardagi mahsulotlar, shuningdek, arzon, sifatli qishloq xoʻjalik mahsulotlari bilan uzluksiz taʼminlashga va narx-navo barqarorligini saqlashga alohida eʼtibor qaratilmoqda. Shu maqsadda tegishli vazirliklar tuman hokimliklari hamkorligida aholi sonidan kelib chiqib, kundalik ehtiyojga zarur oziq-ovqat hamda qishloq xoʻjalik mahsulotlari yetishtirilishi parametrlari ishlab chiqilib, bozorlarda sotilishi nazorat qilinayapti, narxlarning barqarorligini saqlash choralari koʻrilayapti. Buning uchun dehqon xoʻjaliklari va tomorqa yerlardan unumli foydalanish va mahsulot yetishtirishni koʻpaytirishga eʼtibor kuchaymoqda.
Oʻzbekiston Respublikasi Vazirlar Mahkamasining 2018-yil 18-apreldagi yigʻilish bayonini inobatga olgan holda “Qoraqalpogʻiston Respublikasi aholisining ijtimoiy ahamiyatga ega oziq-ovqat va qishloq xoʻjaligi mahsulotlariga boʻlgan ehtiyojini hamda narx-navo barqarorligini taʼminlash toʻgʻrisida”gi Qoraqalpogʻiston Respublikasi Vazirlar Kengashi qaroriga muvofiq ayni kunlarda tumanimizdagi Mangʻit dehqon bozorida oziq-ovqat va qishloq xoʻjaligi mahsulotlari fermer, dehqon hamda shaxsiy tomorqa yer egalaridan toʻgʻridan-toʻgʻri, qoʻlma-qoʻl oʻtib, bahosi oʻsishiga yoʻl qoʻyilmasdan sotilishi ustidan nazorat oʻrnatildi. Bozorda sanitariya, veterinariya qoidalariga rioya etilishi, tozalik, mahsulotlarning sifati, isteʼmolga yaroqliligini oʻrganish doimiy olib borilayapti. Bu borada tuman Davlat sanitariya-epidemologiya nazorati markazi va tuman Veterinariya boʻlimi bilan hamkorlikda ish olib borilmoqda.
Shuningdek, tuman davlat Soliq inspektsiyasi bilan birgalikda bozor hududida davlat roʻyxatidan oʻtmasdan, noqonuniy olib sotarlik bilan shugʻullanayotgan shaxslar aniqlanib, belgilangan tartibda davlat roʻyxatidan oʻtkazilib, belgilangan soliq va boshqa majburiy toʻlovlar hisoblanib undirilmoqda, narxlarning oʻsishiga olib keladigan omillar birma-bir oʻrganilib, bartaraf etish choralari koʻrilmoqda.
Ayni kunda xalqimizning Mustaqillik bayramini munosib kutib olishlarini, hamda yangi oʻquv yili oldidan maktab oʻquvchilarini sifatli oʻquv qurollari, maktab formasi bilan taʼminlash maqsadida Mangʻit dehqon bozori oldida savdo yarmarkasi tashkil etildi.
Shu yil 9-avgustdan oʻz faoliyatini boshlagan yarmarkaning 20 ta savdo oʻrnida 27 turdagi ijtimoiy ahamiyatga ega boʻlgan oziq-ovqat va qishloq xoʻjaligi mahsulotlari arzon narxlarda sotilayapti. Bundan tashqari, yangi oʻquv yili oldidan maktab oʻquvchilarini sifatli oʻquv qurollari, maktab formasi bilan taʼminlash maqsadida maktab bozori tashkil etilgan. Bu yerdagi 32 ta savdo oʻrnida oʻquvchi qizlar, oʻgʻil bolalar maktab formasi, oʻquv qurollari savdosi yoʻlga qoʻyilgan.
Savdo yarmarkasi sotuvchilar va xaridorlar uchun qulay sharoit yaratish maqsadida bostirma qilinib, peshtaxta qoʻyildi. Ushbu savdo oʻrinlarida va bozorda narxlarning barqarorligini taʼminlash maqsadida doimiy nazorat olib borayapmiz. Bu bilan yurtdoshlarimizning kundalik hayotidagi zarur boʻlgan oziq-ovqat va qishloq xoʻjaligi mahsulotlariga boʻlgan ehtiyojlari qoplanishiga va aholi orasida bayramona shukuhni oshirishga oʻz hissamizni qoʻshayapmiz.
Zafar SABUROV, Departamentning
tuman boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
