МТМ ТАРБИЯЛАНУВЧИЛАРИ УЧУН “МИЛЛИЙ МУСИҚА АСБОБЛАРИ ТАРОНАСИ” ДЕБ НОМЛАНГАН КОНЦЕРТ ДАСТУРИ НАМОЙИШ ЭТИЛДИ
Болаларни кичкиналигидан мусиқа ва санъатга ошно этиш, яхши куй-қўшиқларни тинглаб, улардан руҳий қувват олиб улғайишига шароит яратиш – келгусида албатта, ўзининг ижобий самараларини беради. Санъатни қадрлаган, севган бола ҳеч қачон ёмон йўлга юрмайди.
Ҳа, таълим-тарбияда санъатнинг ўрни жуда муҳим!
Шу йил 27 июнь куни Манғит шаҳридаги 7-сонли мактабгача таълим муассасаси тарбияланувчилари учун 9-сонли Болалар мусиқа ва санъат мактаби ва ЎзМТДП туман Кенгаши ҳамкорлигида маданий тадбир ташкиллаштирилганидан кўзланган мақсад – жажжи болажонларнинг кўнгилли дам олишларига, уларнинг дилрабо куй-қўшиқлар тинглаб, улкан таасуротлар олишига эришиш эди.
Тадбирни 9-сонли Болалар мусиқа ва санъат мактаби директори Йўлдош Абдалов очди ва муҳтарам Президентимиз Ш.Мирзиёевнинг ёшлар маънавиятини юксалтириш ва уларнинг бўш вақтларини мазмунли ташкил этиш бўйича илгари сурган 5 та муҳим ташаббуси ижросини таъминлаш юзасидан ўзи раҳбарлик қилаётган муассасада олиб борилаётган ишлар ҳақида гапириб, болжонлар учун тайёрланган кўнгилочар томоша ҳам уларга манзур бўлишига умид билдирди.
ЎзМТДП туман Кенгаши мутахассиси Юлдуз Ўринбоева ташкил этилаётган маданий тадбир болажонлар маънавиятини юксалтиришга муҳим ҳисса бўлиб қўшилади, деб таъкидлади.
Маданий тадбирда болажонларга 9-сонли Болалар мусиқа ва санъат мактаби ўқувчилари томонидан тайёрганлан махсус “Миллий мусиқа асбоблари таронаси” деб номланган концерт дастури кичкинтойлар боп саҳна кўриниши намойиш этилди.
Тадбирда фаол қатнашган ўқувчилар ташкилотчилар томонидан рағбатлантирилди. Шунингдек, ўтган давр мобайнида “Миллий тикланиш” демократик партияси маърифий-маданий тадбирларини тайёрлаш ва ўтказишга яқиндан кўмак бериб келган 9-сонли Болалар мусиқа ва санъат мактаби директори Йўлдош Абдалов, ўқитувчилари Қудрат Матсафоев, Давлатёр Шомуродов, Бобур Маҳмудовларга ҳам партиянинг эсдалик совғалари топширилди.
Маданий тадбирни болажонлар зўр қизиқиш билан томоша қилдилар ва унутилмас таассуротлар олдилар.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
