MTM TARBIYaLANUVChILARI UChUN “MILLIY MUSIQA ASBOBLARI TARONASI” DEB NOMLANGAN KONTsERT DASTURI NAMOYISh ETILDI
Bolalarni kichkinaligidan musiqa va sanʼatga oshno etish, yaxshi kuy-qoʻshiqlarni tinglab, ulardan ruhiy quvvat olib ulgʻayishiga sharoit yaratish – kelgusida albatta, oʻzining ijobiy samaralarini beradi. Sanʼatni qadrlagan, sevgan bola hech qachon yomon yoʻlga yurmaydi.
Ha, taʼlim-tarbiyada sanʼatning oʻrni juda muhim!
Shu yil 27-iyun kuni Mangʻit shahridagi 7-sonli maktabgacha taʼlim muassasasi tarbiyalanuvchilari uchun 9-sonli Bolalar musiqa va sanʼat maktabi va OʻzMTDP tuman Kengashi hamkorligida madaniy tadbir tashkillashtirilganidan koʻzlangan maqsad – jajji bolajonlarning koʻngilli dam olishlariga, ularning dilrabo kuy-qoʻshiqlar tinglab, ulkan taasurotlar olishiga erishish edi.
Tadbirni 9-sonli Bolalar musiqa va sanʼat maktabi direktori Yoʻldosh Abdalov ochdi va muhtaram Prezidentimiz Sh.Mirziyoyevning yoshlar maʼnaviyatini yuksaltirish va ularning boʻsh vaqtlarini mazmunli tashkil etish boʻyicha ilgari surgan 5 ta muhim tashabbusi ijrosini taʼminlash yuzasidan oʻzi rahbarlik qilayotgan muassasada olib borilayotgan ishlar haqida gapirib, boljonlar uchun tayyorlangan koʻngilochar tomosha ham ularga manzur boʻlishiga umid bildirdi.
OʻzMTDP tuman Kengashi mutaxassisi Yulduz Oʻrinboyeva tashkil etilayotgan madaniy tadbir bolajonlar maʼnaviyatini yuksaltirishga muhim hissa boʻlib qoʻshiladi, deb taʼkidladi.
Madaniy tadbirda bolajonlarga 9-sonli Bolalar musiqa va sanʼat maktabi oʻquvchilari tomonidan tayyorganlan maxsus “Milliy musiqa asboblari taronasi” deb nomlangan kontsert dasturi kichkintoylar bop sahna koʻrinishi namoyish etildi.
Tadbirda faol qatnashgan oʻquvchilar tashkilotchilar tomonidan ragʻbatlantirildi. Shuningdek, oʻtgan davr mobaynida “Milliy tiklanish” demokratik partiyasi maʼrifiy-madaniy tadbirlarini tayyorlash va oʻtkazishga yaqindan koʻmak berib kelgan 9-sonli Bolalar musiqa va sanʼat maktabi direktori Yoʻldosh Abdalov, oʻqituvchilari Qudrat Matsafoyev, Davlatyor Shomurodov, Bobur Mahmudovlarga ham partiyaning esdalik sovgʻalari topshirildi.
Madaniy tadbirni bolajonlar zoʻr qiziqish bilan tomosha qildilar va unutilmas taassurotlar oldilar.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
