МАКТАБЛАРДАГИ ЁЗГИ ТЎГАРАКЛАРГА 700 НАФАР ЎҚУВЧИ-ЁШЛАР ҚАМРАБ ОЛИНАДИ

Ўқув йили мобайнида ўқувчи ёшлар билан гавжум бўлган мактаблар  синфхоналари кимсасиз бўлиб қолди, устозлар сабоғини олиб, сидқидилдан илм дунёси сари одимлаган болалар ёзги таътилга чиқдилар. Бироқ эндиликда 1 июндан бошлаб, қизиқувчан, интилувчан, фан  асосларини, ахборот технологияларини, тасвирий санъат сир-асрорларини чуқур ўрганишга иштиёқманд, спортга ошно бўлиш истагидаги ўқувчиларни мактабларда фаолият бошлаётган ёзги тўгараклар ўз бағрига чорлайди.

Асосан, ёзги таътил вақтида ўқувчиларнинг бўш вақтларини мазмунли, мақсадли ўтказишларига эришиш, машғулотлар давомида иштирокчиларнинг иқтидорини ривожлантириш мақсадида ёзги тўгаракларга 6 сменада 4 та мактабда 700 нафар ўқувчи қамраб олинади. 1 сменада Тасвирий санъат, компьютер сабоқлари, технология (меҳнат), шахмат-шашка, футбол, волейбол, стол тенниси тўгаракларига 1-12 июнь оралиғида 2-сонли мактабда 29 нафар, 4-сонли мактабда 29 нафар, 12-сонли мактабда 28 нафар, 69-сонли мактабда 29 нафар болалар қамраб олинади.

Мазкур мактабларда 2 сменада 118 нафар, 3 сменада 118, 4 сменада 118, 5 сменада 116 ва 6 сменада 115 нафар болалар тўгарак машғулотларига жалб қилинади.

Шунингдек, “Баркамол авлод” болалар марказида компьютер дизайни, эстарада вокал, ёш эколог, тўқиш, бичиш-тикиш тўгаракларида 1 сменада 100 нафар, 2 сменада ёш табиатшунос, тасвирий санъат, юмшоқ ўйинчоқ, тўқиш, компьютер саводхонлиги тўгаракларига 100 нафар, 3 сменада ёш ўлкашунос, компьютер саводхонлиги, рақс, мунчоқли безак, тўқиш тўгаракларига 100 нафар, 4 сменада юмшоқ ўйинчоқ, бичиш-тикиш, тўқиш, бошланғич техник моделлаштириш, ёш журналист ва нотиқ тўгаракларига 100 нафар, 5 сменада мунчоқли безак, тўқиш, тасвирий санъат, ёш эколог, инглиз тили тўгаракларига 100 нафар, 6 сменада ёш эколог, стол тенниси, компьютер саводхонлиги, роботехника, тасвирий санъат тўгаракларига 100 нафар ўқувчиларни қамраб олиш режалаштирилган.

Мазкур тўгараклар фаолияти болаларнинг таътил даврини мақсадли, мазмунли ўтказишларига, интеллектуал салоҳияти ошишига хизмат қилади.

О.РАЖАБОВА.