ЎҚУВЧИ ҚИЗЛАР МАЪНАВИЯТИНИ ЮКСАЛТИРИШГА ОИД ТАДБИР ЎТКАЗИЛДИ
Мамлакатимизнинг юқори синфлари ўқувчи қизлари орасида қизларнинг одоб-ахлоқ қоидаларига, кийиниш маданиятига амал қилиши, мустақил ҳаётга қадам қўйиши арафасида касб-ҳунарлар ҳақида тўлароқ маълумотлар олиб, ўз келажагини белгилаб олиши жуда муҳимдир. Айнан кўнглида оламча орзу-умидлар билан билим асосларини чуқур ўрганишга интилаётган ёшларгина эртага юртимиз тақдирини ўз қўлларига ола биладилар.
Бунингдек масъулиятли вазифанинг ижросига интилаётган 31-сонли умумтаълим мактаби маъмурияти, ёшлар иттифоқи ва бошланғич хотин-қизлар ташкилоти ҳамкорликда ёшларнинг маънавиятини юксалтиришга ҳисса қўшувчи кўпгина маънавий-маърифий тадбирлар ўтказмоқда.
Ана шундай тадбирлардан бири 16 апрель куни бўлиб ўтди. “Қиз боланинг одоби – унинг кўрки” деб номланган тадбирда мактаб раҳбарлари, ўқитувчилари ва юқори синфлар ўқувчиларидан ташқари Беруний маҳалла фуқаролар йиғини мутахассиси Д.Ёқубова, туман Халқ таълими бўлими бошланғич хотин-қизлар ташкилоти раиси Т.Пирлепесова, шунингдек, Манғит шаҳридаги мактаблар бошланғич хотин-қизлар ташкилотлари раислари иштирок этдилар.
Тадбирни мактаб директорининг маънавий-маърифий ишлар бўйича ўринбосари Д.Ўрозалиева очди ва олиб борди. Дастлаб, мактаб бошланғич хотин-қизлар ташкилоти раиси С.Узоқбоева ташкилотнинг ўқувчи-қизлар орасида тиббий маданиятнинг, одоб-ахлоқ қоидаларининг кенг тарғиб қилинаётгани, мавзулар бўйича ўтказилаётган тадбирлар ҳақида, шунингдек, қизлар соғлом дунёқарашга эга бўлишига эришиш учун китоб мутолаасига кенг жалб қилинаётгани ҳақида гапирди.
Шунингдек, Т.Пирлепесова, Д.Ёқубовалар ҳам бу борадаги ўз фикр-мулоҳазаларини билдирдилар.
Тадбир якунида ўқувчи қизларнинг ораста, одобли ва хушмуомала, билимли бўлиб вояга етишига эришиш борасида қилиниши лозим бўлган вазифалар барча умумтаълим масканлари учун ҳам дахлдор эканлиги таъкидланди. Бошланғич хотин-қизлар ташкилотлари раислари учун ўзига хос тажриба ўрганиш ва ўқувчи-ёшлар маънавиятини юксалтиришга хизмат қилувчи тадбир барчада улкан таассуротлар қолдирди.
О.Ражабова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
