Фуқаролик ҳолатини қайд этиш шахснинг ҳуқуқий мақомини белгилайди
Мустақил Ўзбекистонимизда инсон энг олий қадрият, оилалар мустакиллиги ва фаровонлиги олий максад саналади. Жамият таянчи бўлган оилалар ҳам бундай юксак эътибор натижасида давлат ва жамиятнинг таракқиётида алоҳида аҳамиятга эга бўлиб бораверади. Ўзбекистонда оилалар бағрида спортда ва саньатда номи дунёга танилган салоҳиятли фарзандлар, эл-юрт манфаатига хизмат қилувчи, замонавий ва етук мутахассис кадрлар, тадбиркорлар, билим ва малакали фермерлар йил сайин кўплаб етишиб чиқаётганлиги бунинг яққол далилидир.
Демократик ҳуқуқий давлат барпо этиш Ўзбекистон Республикасида амалга оширилаётган ижтимоий-иқтисодий йўналишдаги чора-тадбирлар режалаштирилиши ва бошқарилиши даражаси билан боглиқ ҳисобланади. ФҲДЁ органларининг бу борада иш юритишдаги вазифалари давлат ва жамият манфаатларини кўзлашдан иборат бўлиб, у орқали фуқароларнинг шахсий мулкий ҳуқуқларини ҳам ҳимоя қилиш мақсадлари кўзланади.
Фуқаролик ҳолати далолатномаларининг тўлиқ ва ўз вақтида қайд этилиши жамиятимиз ривожланишида ўзига хос аҳамиятга эга. Демографик масалаларни самарали ҳал этишда ФҲДЁ органларининг фаолияти натижалари муҳим ўрин тутади. Аҳолининг ҳамда унинг асосий бўғини бўлган оиланинг турли хил муаммоларини сиёсий, ижтимоий-иқтисодий жараёнлар асосида таҳлил этиш алоҳида олинган оила манфаатларини жамият манфаатлари билан узвий боғлиқлигини таьминлайди. Бундай сиёсат юритилишда маьлум вақт оралиғида туғилиш, ўлим, никоҳ тузиш, никоҳдан ажралиш сони ҳақида аниқ маьлумотларга эга бўлиш муҳим ҳисобланади. Бу маьлумотларни олишда ФҲДЁ органларида расмийлаштириладиган ҳужжатлар ва улар асосидаги ҳисоботлар асосий манба бўлиб хизмат қилади.
Фуқаролик ҳолати шахснинг ҳуқуқий мақомини белгилайди. Фуқаролик ҳолати деганда фуқаронинг ҳуқуқ лаёқати, муомала лаёқати, фуқаролиги, унга маьлум фамилия, исм, ота исмининг тегишлилиги, шунингдек, унинг оилавий аҳволи, яъни турмуш қурган ёки қурмаганлиги тушунилади. Фуқаронинг шахсий ҳаётидаги ва унинг жамиятдаги ҳуқуқий ҳолатини белгилаш, унинг фуқаролик ва оилавий ҳуқуқий муносабатларининг субьекти сифатида тан олиниши учун бу фактлар фуқаролик ҳолати далолатномаларни ёзиш давлат органларида қайд этилади.
Фуқаролик ҳолати далолатномаларининг ФҲДЁ органларида кайд этилиши фақат манфаатдор шахс учун эмас, балки унинг оила аьзолари учун ҳам аҳамиятли бўлиб, фуқароларнинг жамият ва давлат манфаатлари ҳимоя қилинишига хизмат қилади.
М.Эшмурадова,
ФҲДЁ бўлимининг 2-тоифали инспектори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
