Fuqarolik holatini qayd etish shaxsning huquqiy maqomini belgilaydi

Mustaqil Oʻzbekistonimizda inson eng oliy qadriyat, oilalar mustakilligi va farovonligi oliy maksad sanaladi. Jamiyat tayanchi boʻlgan oilalar ham bunday yuksak eʼtibor natijasida davlat va jamiyatning tarakqiyotida alohida ahamiyatga ega boʻlib boraveradi. Oʻzbekistonda oilalar bagʻrida sportda va sanatda nomi dunyoga tanilgan salohiyatli farzandlar, el-yurt manfaatiga xizmat qiluvchi, zamonaviy va yetuk mutaxassis kadrlar, tadbirkorlar, bilim va malakali fermerlar yil sayin koʻplab yetishib chiqayotganligi buning yaqqol dalilidir.

Demokratik huquqiy davlat barpo etish Oʻzbekiston Respublikasida amalga oshirilayotgan ijtimoiy-iqtisodiy yoʻnalishdagi chora-tadbirlar rejalashtirilishi va boshqarilishi darajasi bilan bogliq hisoblanadi. FHDYo organlarining bu borada ish yuritishdagi vazifalari davlat va jamiyat manfaatlarini koʻzlashdan iborat boʻlib, u orqali fuqarolarning shaxsiy mulkiy huquqlarini ham himoya qilish maqsadlari koʻzlanadi.

Fuqarolik holati dalolatnomalarining toʻliq va oʻz vaqtida qayd etilishi jamiyatimiz rivojlanishida oʻziga xos ahamiyatga ega. Demografik masalalarni samarali hal etishda FHDYo organlarining faoliyati natijalari muhim oʻrin tutadi. Aholining hamda uning asosiy boʻgʻini boʻlgan oilaning turli xil muammolarini siyosiy, ijtimoiy-iqtisodiy jarayonlar asosida tahlil etish alohida olingan oila manfaatlarini jamiyat manfaatlari bilan uzviy bogʻliqligini taminlaydi. Bunday siyosat yuritilishda malum vaqt oraligʻida tugʻilish, oʻlim, nikoh tuzish, nikohdan ajralish soni haqida aniq malumotlarga ega boʻlish muhim hisoblanadi. Bu malumotlarni olishda FHDYo organlarida rasmiylashtiriladigan hujjatlar va ular asosidagi hisobotlar asosiy manba boʻlib xizmat qiladi.

Fuqarolik holati shaxsning huquqiy maqomini belgilaydi. Fuqarolik holati deganda fuqaroning huquq layoqati, muomala layoqati, fuqaroligi, unga malum familiya, ism, ota ismining tegishliligi, shuningdek, uning oilaviy ahvoli, yaʼni turmush qurgan yoki qurmaganligi tushuniladi. Fuqaroning shaxsiy hayotidagi va uning jamiyatdagi huquqiy holatini belgilash, uning fuqarolik va oilaviy huquqiy munosabatlarining subekti sifatida tan olinishi uchun bu faktlar fuqarolik holati dalolatnomalarni yozish davlat organlarida qayd etiladi.

Fuqarolik holati dalolatnomalarining FHDYo organlarida kayd etilishi faqat manfaatdor shaxs uchun emas, balki uning oila azolari uchun ham ahamiyatli boʻlib, fuqarolarning jamiyat va davlat manfaatlari himoya qilinishiga xizmat qiladi.

M.Eshmuradova,

FHDYo boʻlimining 2-toifali inspektori.