Ногиронлиги бўлган ёшлар ўртасида “Ватан-менинг нигоҳларимда” танлови ўтказилди
Инсонлар ўртасида ўзаро меҳр-оқибат кўрсатиш, кўмакка муҳтож кишиларга беғараз ёрдам кўрсатиш, уларни қўллаб-қувватлаш кабилар юртимизда миллий қадрият сифатида давом эттириб келинмоқда. Айниқса, имконияти чекланган кишиларга кўмаклашиш, уларни моддий ва маънавий қўллаб-қувватлаш, имкон даражасида меҳнатга жалб этиш, ҳаётимизнинг барча жабҳаларида иштирок этишларига имконият яратиш ва ҳақ-ҳуқуқларини ҳимоя қилиш борасида доимий ғамхўрлик кўрсатиб келинмоқда.
бўлган ёшлар орасида истеъдодли ёшларни излаб топиш, янги умидли ижодкорларни кашф этиш, ўз истеъдодларини, ижод намуналарини намоён қилишлари учун шароит яратиш ва юзага чиқариш мақсадида турли кўрик-танловлар ўтказилиб, уларга кенг имконият яратилмоқда. Ёшлар иттифоқи туман Кенгаши, Ногиронлар жамияти туман бўлинмаси, туман Халқ таълими бўлими ҳамкорлигидаги “Ватан-менинг нигоҳларимда” танлови ҳам шу мақсадда ўтказилди ва унда туманимиздаги ногиронлиги бўлган ёшлар иштирок этдилар.
22 февраль куни Амударё қишлоқ хўжалиги касб-ҳунар коллежи биносида ўтказилган мазкур танловнинг туман босқичи икки гуруҳга бўлиб ўтказилди. Биринчи гуруҳда 7-14 ёш, иккинчи гуруҳда 14-30 ёш оралиғидаги ногиронлиги бўлган ёшлар қатнашишди. Улар турли йўналишлар бўйича ўз ижодий ишларида Ватанга бўлган муҳаббатини, меҳрини, тасаввурларини ифода этишга ҳаракат қилдилар. Астойдил ишланган ижод намуналари белгиланган ҳакамлар ҳайъати томонидан кўриб чиқилди ва ҳар бир йўналиш бўйича ғолиблар аниқланди.
Танлов якунига кўра, 7-14 ёш тоифаси бўйича рассомчилик йўналишида 1-ўрин 61-сонли мактаб ўқувчиси Самандар Абдуллаев, 2-ўрин 69-сонли мактаб ўқувчиси Зулайҳо Каримбоева, 3-ўрин 74-сонли мактаб ўқувчиси Диёрбек Ортиқовларга, 20-30 ёш тоифасидаги рассомчилик йўналишида эса 1-ўрин Азиза Йўлдошева, шу ёш тоифаси бўйича тикувчилик йўналишида 1-ўрин Соҳида Кўкланова, бисер тўқиш йўналишида 1-ўрин Юлдуз Каримоваларга берилди.
Ғолиблар ташкилотчилар томонидан “Фахрий ёрлиқ” ва совғалар билан тақдирландилар. Шунингдек, 1-ўрин ғолибларига Республика босқичига йўлланма ҳам берилди.
М.Ўразимбетов, ёшлар иттифоқи туман
Кенгашининг Ёшларни ижтимоий ҳимоялаш
ва матбуот билан ишлаш бўйича бош мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
