Ёшлар ўртасида китобхонлик кенг тарғиб қилинмоқда

“Нуроний” жамғармасининг Амударё тумани бўлими Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди “Инсон ҳуқуқлари умумжаҳон декларацияси қабул қилинганлигининг 70 йиллиги муносабати билан эълон қилган “Ўзбекистонда инсон ҳуқуқлари – олий қадрият” мавзусидаги давлат гранти танловида иштирок этиб, ғолиб бўлган эди. “Жаҳолатга қарши маърифат билан курашамиз” номли грант лойиҳаси 2019 йилнинг 1 январидан бошлаб амалга оширилмоқда.

Лойиҳанинг асосий мақсади ёшларнинг бўш вақтларини мазмунли ўтказиш, мафкура майдонининг ҳар қандай хуружларидан ҳимоя қилиш, маънавий дунёсини бадиий етук асарларга сингдирилган ғоялар билан бойитишга ҳисса қўшишдир. Шу мақсадда ташкилот томонидан ҳар ойнинг охирги шанба куни туман ёшлари ўртасида “Маънавият куни” деб эълон қилиниб, маънавият кунларида таълим муассасаларида ёшлар билан давра суҳбатлар, нуронийларнинг учрашувларини ташкил қилиш режалаштирилган. Шунингдек, “Тараққиёт кўзгуси” газетаси таҳририяти билан ҳамкорликда “Китоб – маънавият сарчашмаси” мавзусида мақолалар танлови, “Мен ўқиган асар” ҳамда “Мен севган бадиий қаҳрамон” мавзуларида иншолар танловини ўтказиш кўзда тутилган. Ташкилот томонидан фуқароларнинг ўзини ўзи бошқариш органлари билан ҳамкорликда “Маҳалламизнинг энг зиёли оиласи” лойиҳасини амалга ошириш, Таълим муассасаларида “Болалар ва ўсмирлар китоб ҳафталиги”ни, “Китобхонлик ва мутолаа маданияти” ҳафталигини ўтказиш, “Китоб сайллари”ни ташкил қилиш ҳам кўзда тутилган.

Лойиҳа доирасида 22 февраль куни туманимиздаги 38- ва 64-сонли мактабларда ўқувчи-ёшларда китобга бўлган қизиқишни кучайтириш, китоб ўқиш маданиятини шакллантириш мақсадида учрашув ўтказилди. Учрашувда юртимиздаги нашриётларда янги чоп қилинган китоблар, хусусан, туман ёшлари ҳамда ижодкорларининг янги китоблари тақдимотлари бўлиб ўтди.

“Нуроний” жамғармаси туман бўлими раиси Бекман Аллаберганов, “Тараққиёт кўзгуси” газетаси масъул котиби Алламберган Жуманиёзов ва журналист Робия Йўлдошевалар ёшларга китоб ўқишнинг аҳамияти ҳақида гапирдилар. Мактабда таълим олаётган китобхон ёшлар ва китоблари нашрдан чиққан ёш ижодкорлар ўқувчиларга намуна қилиб кўрсатилди. Бу каби тадбирлар ўқувчиларни бадиий адабиётга қизиқтириш орқали уларнинг маънавиятини юксалтиришга хизмат қилади.

“Нуроний” жамғармасининг Амударё тумани бўлими Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди “Инсон ҳуқуқлари умумжаҳон декларацияси қабул қилинганлигининг 70 йиллиги муносабати билан эълон қилган “Ўзбекистонда инсон ҳуқуқлари – олий қадрият” мавзусидаги давлат гранти танловида иштирок этиб, ғолиб бўлган эди. “Жаҳолатга қарши маърифат билан курашамиз” номли грант лойиҳаси 2019 йилнинг 1 январидан бошлаб амалга оширилмоқда.

Лойиҳанинг асосий мақсади ёшларнинг бўш вақтларини мазмунли ўтказиш, мафкура майдонининг ҳар қандай хуружларидан ҳимоя қилиш, маънавий дунёсини бадиий етук асарларга сингдирилган ғоялар билан бойитишга ҳисса қўшишдир. Шу мақсадда ташкилот томонидан ҳар ойнинг охирги шанба куни туман ёшлари ўртасида “Маънавият куни” деб эълон қилиниб, маънавият кунларида таълим муассасаларида ёшлар билан давра суҳбатлар, нуронийларнинг учрашувларини ташкил қилиш режалаштирилган. Шунингдек, “Тараққиёт кўзгуси” газетаси таҳририяти билан ҳамкорликда “Китоб – маънавият сарчашмаси” мавзусида мақолалар танлови, “Мен ўқиган асар” ҳамда “Мен севган бадиий қаҳрамон” мавзуларида иншолар танловини ўтказиш кўзда тутилган. Ташкилот томонидан фуқароларнинг ўзини ўзи бошқариш органлари билан ҳамкорликда “Маҳалламизнинг энг зиёли оиласи” лойиҳасини амалга ошириш, Таълим муассасаларида “Болалар ва ўсмирлар китоб ҳафталиги”ни, “Китобхонлик ва мутолаа маданияти” ҳафталигини ўтказиш, “Китоб сайллари”ни ташкил қилиш ҳам кўзда тутилган.

Лойиҳа доирасида 22 февраль куни туманимиздаги 38- ва 64-сонли мактабларда ўқувчи-ёшларда китобга бўлган қизиқишни кучайтириш, китоб ўқиш маданиятини шакллантириш мақсадида учрашув ўтказилди. Учрашувда юртимиздаги нашриётларда янги чоп қилинган китоблар, хусусан, туман ёшлари ҳамда ижодкорларининг янги китоблари тақдимотлари бўлиб ўтди.

“Нуроний” жамғармаси туман бўлими раиси Бекман Аллаберганов, “Тараққиёт кўзгуси” газетаси масъул котиби Алламберган Жуманиёзов ва журналист Робия Йўлдошевалар ёшларга китоб ўқишнинг аҳамияти ҳақида гапирдилар. Мактабда таълим олаётган китобхон ёшлар ва китоблари нашрдан чиққан ёш ижодкорлар ўқувчиларга намуна қилиб кўрсатилди. Бу каби тадбирлар ўқувчиларни бадиий адабиётга қизиқтириш орқали уларнинг маънавиятини юксалтиришга хизмат қилади.