Yoshlar oʻrtasida kitobxonlik keng targʻib qilinmoqda

“Nuroniy” jamgʻarmasining Amudaryo tumani boʻlimi Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi “Inson huquqlari umumjahon deklaratsiyasi qabul qilinganligining 70 yilligi munosabati bilan eʼlon qilgan “Oʻzbekistonda inson huquqlari – oliy qadriyat” mavzusidagi davlat granti tanlovida ishtirok etib, gʻolib boʻlgan edi. “Jaholatga qarshi maʼrifat bilan kurashamiz” nomli grant loyihasi 2019-yilning 1-yanvaridan boshlab amalga oshirilmoqda.

Loyihaning asosiy maqsadi yoshlarning boʻsh vaqtlarini mazmunli oʻtkazish, mafkura maydonining har qanday xurujlaridan himoya qilish, maʼnaviy dunyosini badiiy yetuk asarlarga singdirilgan gʻoyalar bilan boyitishga hissa qoʻshishdir. Shu maqsadda tashkilot tomonidan har oyning oxirgi shanba kuni tuman yoshlari oʻrtasida “Maʼnaviyat kuni” deb eʼlon qilinib, maʼnaviyat kunlarida taʼlim muassasalarida yoshlar bilan davra suhbatlar, nuroniylarning uchrashuvlarini tashkil qilish rejalashtirilgan. Shuningdek, “Taraqqiyot koʻzgusi” gazetasi tahririyati bilan hamkorlikda “Kitob – maʼnaviyat sarchashmasi” mavzusida maqolalar tanlovi, “Men oʻqigan asar” hamda “Men sevgan badiiy qahramon” mavzularida insholar tanlovini oʻtkazish koʻzda tutilgan. Tashkilot tomonidan fuqarolarning oʻzini oʻzi boshqarish organlari bilan hamkorlikda “Mahallamizning eng ziyoli oilasi” loyihasini amalga oshirish, Taʼlim muassasalarida “Bolalar va oʻsmirlar kitob haftaligi”ni, “Kitobxonlik va mutolaa madaniyati” haftaligini oʻtkazish, “Kitob sayllari”ni tashkil qilish ham koʻzda tutilgan.

Loyiha doirasida 22-fevral kuni tumanimizdagi 38- va 64-sonli maktablarda oʻquvchi-yoshlarda kitobga boʻlgan qiziqishni kuchaytirish, kitob oʻqish madaniyatini shakllantirish maqsadida uchrashuv oʻtkazildi. Uchrashuvda yurtimizdagi nashriyotlarda yangi chop qilingan kitoblar, xususan, tuman yoshlari hamda ijodkorlarining yangi kitoblari taqdimotlari boʻlib oʻtdi.

“Nuroniy” jamgʻarmasi tuman boʻlimi raisi Bekman Allaberganov, “Taraqqiyot koʻzgusi” gazetasi masʼul kotibi Allambergan Jumaniyozov va jurnalist Robiya Yoʻldoshevalar yoshlarga kitob oʻqishning ahamiyati haqida gapirdilar. Maktabda taʼlim olayotgan kitobxon yoshlar va kitoblari nashrdan chiqqan yosh ijodkorlar oʻquvchilarga namuna qilib koʻrsatildi. Bu kabi tadbirlar oʻquvchilarni badiiy adabiyotga qiziqtirish orqali ularning maʼnaviyatini yuksaltirishga xizmat qiladi.

“Nuroniy” jamgʻarmasining Amudaryo tumani boʻlimi Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi “Inson huquqlari umumjahon deklaratsiyasi qabul qilinganligining 70 yilligi munosabati bilan eʼlon qilgan “Oʻzbekistonda inson huquqlari – oliy qadriyat” mavzusidagi davlat granti tanlovida ishtirok etib, gʻolib boʻlgan edi. “Jaholatga qarshi maʼrifat bilan kurashamiz” nomli grant loyihasi 2019-yilning 1-yanvaridan boshlab amalga oshirilmoqda.

Loyihaning asosiy maqsadi yoshlarning boʻsh vaqtlarini mazmunli oʻtkazish, mafkura maydonining har qanday xurujlaridan himoya qilish, maʼnaviy dunyosini badiiy yetuk asarlarga singdirilgan gʻoyalar bilan boyitishga hissa qoʻshishdir. Shu maqsadda tashkilot tomonidan har oyning oxirgi shanba kuni tuman yoshlari oʻrtasida “Maʼnaviyat kuni” deb eʼlon qilinib, maʼnaviyat kunlarida taʼlim muassasalarida yoshlar bilan davra suhbatlar, nuroniylarning uchrashuvlarini tashkil qilish rejalashtirilgan. Shuningdek, “Taraqqiyot koʻzgusi” gazetasi tahririyati bilan hamkorlikda “Kitob – maʼnaviyat sarchashmasi” mavzusida maqolalar tanlovi, “Men oʻqigan asar” hamda “Men sevgan badiiy qahramon” mavzularida insholar tanlovini oʻtkazish koʻzda tutilgan. Tashkilot tomonidan fuqarolarning oʻzini oʻzi boshqarish organlari bilan hamkorlikda “Mahallamizning eng ziyoli oilasi” loyihasini amalga oshirish, Taʼlim muassasalarida “Bolalar va oʻsmirlar kitob haftaligi”ni, “Kitobxonlik va mutolaa madaniyati” haftaligini oʻtkazish, “Kitob sayllari”ni tashkil qilish ham koʻzda tutilgan.

Loyiha doirasida 22-fevral kuni tumanimizdagi 38- va 64-sonli maktablarda oʻquvchi-yoshlarda kitobga boʻlgan qiziqishni kuchaytirish, kitob oʻqish madaniyatini shakllantirish maqsadida uchrashuv oʻtkazildi. Uchrashuvda yurtimizdagi nashriyotlarda yangi chop qilingan kitoblar, xususan, tuman yoshlari hamda ijodkorlarining yangi kitoblari taqdimotlari boʻlib oʻtdi.

“Nuroniy” jamgʻarmasi tuman boʻlimi raisi Bekman Allaberganov, “Taraqqiyot koʻzgusi” gazetasi masʼul kotibi Allambergan Jumaniyozov va jurnalist Robiya Yoʻldoshevalar yoshlarga kitob oʻqishning ahamiyati haqida gapirdilar. Maktabda taʼlim olayotgan kitobxon yoshlar va kitoblari nashrdan chiqqan yosh ijodkorlar oʻquvchilarga namuna qilib koʻrsatildi. Bu kabi tadbirlar oʻquvchilarni badiiy adabiyotga qiziqtirish orqali ularning maʼnaviyatini yuksaltirishga xizmat qiladi.