ХОТИРАЛАРГА МУҲРЛАНГАН ТАДБИР
Шу йилнинг 14 январида туманимиздаги 79-сонли умумтаълим мактабида 14 январь – Ватан ҳимоячилари куни ва Ўзбекистон Қуролли Кучлари ташкил этилганлигининг 27 йиллиги муносабати билан тадбир ўтказилди. Тадбирни мактаб директори А. Қурбонбоев табрик сўзи билан очиб берди. Давлатимиз мадҳияси янгради. Ўқувчилар одатдагидан ўзгача бир кўтаринки кайфиятда, қўллари кўксида , мадҳиямизга жўровоз бўлишмоқда.
Тадбирда ушбу ҳудудда жойлашган ҳарбий қисмда муддатли ҳарбий хизмат бурчини адо этаётган оддий аскарлар фарғоналик Бекмурод Мамажонов, сурхондарёлик Акмал Аҳмедов, Жавоҳир Исмоилов, наманганлик Жавоҳир Ғаниев, бухоролик Абдуназар Меҳмонов,самарқандлик Аъзамжон Бўтаевлар ташриф буюриб, миллий армиямизнинг жанговар қудрати, минг-минглаб ватанпарвар ўғлонлар юртимиз сарҳадларини қўриқлаб , халқимиз осойишталигини сақлаб турганлиги, ҳарбий хизмат бурчини адо этиш ҳар бир йигитнинг шарафли бурчи эканлиги ҳақида батафсил гапириб бердилар ва ўқувчилар кўнглида армиямизга ҳурмат – ҳавас ҳиссини уйғотдилар.
Тадбирда ўқувчилар томонидан тайёрланган махсус байрам дастури намойиш этилди ва аскарларга байрам совғалари топширилди. Бу сиёсий- маърифий тадбир ўқувчилар қалбида унутилмас хотира бўлиб қолди.
Хушрўй ЭШЧОНОВА, шу мактаб ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
