Ватанимизнинг жажжи ҳимоячилари
Президентимиз Шавкат Мирзиёев мактабгача таълим соҳасига жуда катта эътибор қаратмоқда. Шу эътибор самараси ўлароқ туманимизда кўплаб янги болалар боғчалари фойдаланишга топширилди. Буларни кўриб кўзингиз қувонади. Бу боғчаларнинг барчасида етарли шарт-шароитлар мавжуд. Биз ота-оналар эса фарзандларимиздан кўнглимиз хотиржам бўлиб ишлаймиз.
Менинг ҳам ўғлим туманимиздаги “Аму қуёши” номли болалар боғчасида тарбияланаяпти. Боғча яқинда иш бошлаган бўлишига қарамай, болажонларнинг севимли масканига айланиб улгурди, дея оламан.
Бир куни ўғлим Жаҳонгир боғчадан келиб,
– Ойи мен энди аскар бўлмоқчиман. Ҳаммангизни ҳимоя қилмоқчиман, – деди. Буни эшитган бувиси жуда севинди. Синглиси билан ўйнаётганида эса:
– Мен катта бўлсам аскар бўламан, ўзим сени ҳимоя қиламан, – деб қўйди.
Билсак, боғчасида 14-январ-Ватан ҳимоячилари кунида тадбир ўтказишга тайёргарлик кўришаётган экан. Ўғлим тадбир бўладиган кунни роса интиқлик билан кутди. Боиси у ҳарбий формада тадбирда иштирок этди. Бу жараёнда унинг кўнглида ҳарбийларга – Ватан ҳимоячиларига нисбатан катта ҳурмат ва ифтихор туйғуси уйғонгани шубҳасиз. Бундай жажжи ҳимоячилар орасидан келажакда кўплаб ватанимиз ҳимоячилари етишиб чиқишади. Биз ота-оналар фарзандларимизга қаратилаётган бундай эътибордан жуда хурсандмиз. Ўйлаймизки, бу қилинаётган ишлар ўз самарасини кўрсатади. Ўғил- қизларимиз ватанимизга муносиб фарзандлар бўлиб улғайишади.
Марҳабо Матчонова, 5-сонли мактабнинг
она тили ва адабиёти фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
